- కిందటేడాది ఈ లావాదేవీలు జరిగాయన్న సీబీఆర్ఈ
హైదరాబాద్, వెలుగు: మనదేశంలో గత ఏడాది అతిపెద్ద రియల్టీ డీల్ హైదరాబాద్లోనే జరిగిందని సీబీఆర్ఈ అనే కన్సల్టింగ్ కంపెనీ తెలిపింది. హైదరాబాద్కు చెందిన రాజపుష్ప ప్రాపర్టీస్ నార్సింగిలో 25 ఎకరాల భూమిని కొందని తెలిపింది. డెవలపర్ 18 ఎకరాల భూమిని నేరుగా కొన్నారు. మిగతా ఏడు ఎకరాల భూమిని జాయింట్ డెవెలప్మెంట్విధానంలో తీసుకున్నారు. ఇక్కడ హై-ఎండ్ రెసిడెన్షియల్ టౌన్‌‌షిప్ను కడతారని సీబీఆర్ఈ ప్రకటించింది. భూ ఒప్పందాన్ని కుదిర్చేందుకు తమ సేవలను డెవెలపర్ ఉపయోగించుకున్నారని సీబీఆర్ఈ తెలిపింది. అయితే ఈ డీల్ విలువను మాత్రం వెల్లడించలేదు. హైదరాబాద్కు 2019–-2020లో సుమారుగా బిలియన్ డాలర్ల (దాదాపు రూ.7,300 కోట్లు) పెట్టుబడులు వచ్చాయని ఈ కంపెనీ రిపోర్టు వెల్లడించింది. రాబోయే నెలల్లో ఇన్వెస్ట్మెంట్లు 50 శాతం దాకా పెరుగుతాయని అంచనా వేసింది. కమర్షియల్, హైరైజ్ బిల్డింగులకు ఇన్వెస్ట్మెంట్లు ఎక్కువ రావొచ్చని తెలిపింది. రాజపుష్ప గ్రూప్ ఎగ్జిక్యూటివ్ డైరెక్టర్ శ్రీనివాస్ రెడ్డి మాట్లాడుతూ ‘‘ నార్సింగి ప్రాజెక్ట్ నగరంలోని రెసిడెన్షియల్ ప్రాజెక్టులలో ఒక మైలురాయిగా నిలుస్తుంది’’ అన్నారు.
ఇవి కూడా చదవండి
శేఖర్ కమ్ముల ‘నీ చిత్రం చూసి’ సాంగ్ రిలీజ్
ఇంగ్లండ్‌‌‌‌ను చెడుగుడు ఆడేసుకున్నారు
25 మందిని కాపాడిన ఫోన్‌ కాల్‌: ధౌలిగంగ ఉప్పొంగుతోంది కొడుకా ఉరుకు
గ్రెటా థన్‌బర్గ్ ‘టూల్ కిట్’కు సాయం.. బెంగళూరు స్టూడెంట్‌ అరెస్ట్‌
