హీరోయిన్ లావణ్య త్రిపాఠి ప్రధాన పాత్రలో నటించిన లేటెస్ట్ మూవీ హ్యాపీ బర్త్ డే. మత్తు వదలారా ఫేమ్ రితేష్‌ రానా దర్శకత్వంలో రూపొందుతున్న ఈ చిత్రాన్ని నవీన్‌ యెర్నేని, రవిశంకర్‌ వై. సమర్పణలో క్లాప్‌ ఎంటర్‌టైన్‌మెంట్, మైత్రీ మూవీ మేకర్స్‌పై చిరంజీవి (చెర్రీ), హేమలత పెదమల్లు నిర్మించారు. జులై 8న ప్రేక్షకుల ముందుకు వస్తోన్న ఈ మూవీ నుంచి మేకర్స్ ట్రైలర్ ను విడుదల చేశారు. దర్శకధీరుడు రాజామౌళి చేతుల మీదుగా చిత్ర ట్రైలర్ లాంచ్‌ అయింది. ట్రైలర్ మొత్తం డిఫరెంట్ కామెడీతో నింపేశారు. థ్రిల్లింగ్‌ ఎంటర్‌టైనర్‌గా రూపొందిన ఈ సినిమాకి కాలబైరవ సంగీతం అందించాడు. కమెడియన్లు వెన్నెల కిషోర్, సత్య, నరేష్ అగస్త్య కీలకమైన పాత్రల్లో నటించారు. ప్రేక్షకులలో సినిమా పైన మంచి అంచనాలున్నాయి.
