తమిళనాడులో ఘోర రోడ్డు ప్రమాదం జరిగింది. క్రిష్ణగిరి జిల్లా సులగిరి లో.. రోడ్డు పక్కన ఆగి ఉన్న రెండు RTC బస్సులను లారీ ఢీకొంది. వివరాల్లోకి వెలితే.. హోసూర్ నుంచి క్రిష్ణగిరి వెళ్తున్న ఓ RTC బస్సు టైర్ పంక్చర్ అయింది. దీంతో మరో బస్సును ఆపి ప్రయాణీకులను ఆ బస్సులోకి ఎక్కిస్తున్నారు. అయితే.. వెనకాలనుండి వేగంతో వచ్చిన లారీ.. రోడ్డుపై ఆగివున్న రెండు బస్సులను ఢీకొట్టి.. ప్రయాణీకులపైకి దూసుకెళ్లింది. ఈ ఘటనలో పలువురు గాయపడగా.. ఒకే కుటుంబానికి చెందిన ఇద్దరు మహిళలు, మరో వక్తి చనిపోయారు.
