మమ్మల్ని గెలిపిస్తే అది చేస్తాం ..ఇది ఇస్తాం.. అంటూ జనాలకు వరాలిస్తుంటాయి పార్టీలు. అమలు సాధ్యం కాని హామీలను మేనిఫెస్టోలో పెడుతుంటాయి. ఓ స్కూలు కూడా అలాంటి వరమే ఇచ్చింది. అయితే, ఓటర్లకు కాదు. స్టూడెంట్స్ కు. ‘‘తల్లిదండ్రులు ఓటేస్తే పిల్లలకు పది మార్కు లు ఎక్కువ కలుపుతాం” ఇదే ఆ హామీ. అబ్బ భలే బాగుంది ఆఫర్..పాసైపోవచ్చు అని అనుకుంటున్నారా స్టూడెంట్స్ . కానీ, మీకు ఆ అదృష్టం లేదు. ఎందుకంటే ఈ ఆఫర్ ఇచ్చింది ఉత్తర్ప్రదేశ్లో కాబట్టి. లక్నోలోని క్రైస్ట్ చర్చి కాలేజ్ ఈ బంపర్ ఆఫర్ ఇచ్చింది. తల్లిదండ్రులతో ఓటేయిస్తే ఫైనల్ రిజల్ట్స్లో పది మార్కులు కలుపుతామని ఆ స్కూలు ప్రిన్సి పాల్ ఆర్కే ఛత్రీ చెప్పారు. చెప్పడమే కాదు..గేటుకు పెద్ద బ్యానర్నూ కట్టేసిం ది స్కూలు యాజమాన్యం.
‘‘సొంత, దేశ ప్రయోజనాలకు కట్టుబడి ఉంటామని చెప్పేందుకు ఆయుధమే ఓటు. కాబట్టి విద్యార్థుల తల్లిదండ్రులందరికీ మా విన్నపం. ఏంటంటే.. అందరూ ఓటేయండి. ఓటు వేసిన వారి పిల్లలకు ఫైనల్ రిజల్ట్స్లో పది మార్కు లు అదనంగా కలుపుతాం” అని ఆ బ్యానర్లో ఉంది. ఇప్పటికే దేశంలోని కొన్ని స్కూళ్లు, కాలేజీలు ఓటు హక్కుపై అవగాహన కార్యక్రమాలు నిర్వహిస్తున్నాయి.