బషీర్బాగ్, వెలుగు: తెలుగు జాతి గర్వించదగ్గ ప్రముఖుల జీవిత విశేషాలను భావితరాలకు పరిచయం చేసే గొప్ప గ్రంథం ‘తెలుగు జాతికి భూషణాలు’ అని మాజీ ఉపరాష్ట్రపతి ఎం. వెంకయ్య నాయుడు తెలిపారు. గురువారం అబిడ్స్ బొగ్గులకుంటలోని తెలంగాణ సారస్వత పరిషత్లో రేవూరు అనంత పద్మనాభరావు 80వ జన్మదినోత్సవం సందర్భంగా ఆయన ఈ పుస్తకాన్ని ఆవిష్కరించారు.
ఈ సందర్భంగా వెంకయ్య మాట్లాడుతూ.. భారత రత్న, పద్మ అవార్డు గ్రహీతలైన తెలుగు ప్రముఖుల జీవిత విశేషాలతో రూపొందించిన ఈ గ్రంథం యువతకు, భవిష్యత్ తరాలకు గొప్ప స్ఫూర్తినిస్తుందన్నారు. కార్యక్రమంలో రాష్ట్ర ప్రభుత్వ మాజీ సలహాదారులు డాక్టర్ కేవి. రమణచారి, మాజీ కేంద్ర హోమ్ సెక్రటరీ పద్మభూషణ్ కె. పద్మనాభయ్య తదితరులు పాల్గొన్నారు.
