ప్రధాని నరేంద్ర మోదీ రోడ్ షోలో అపశృతి చోటుచేసుకుంది. మధ్యప్రదేశ్‌లో బీజేపీ లోక్‌సభ ఎన్నికల ప్రచారాన్ని ప్రధాని నరేంద్ర మోదీ ఆదివారం జబల్‌పూర్‌లో రోడ్‌షోతో ప్రారంభించారు. ఈ సందర్భంగా ఏర్పాటు చేసిన వేదిక కుప్పకూలింది . కటంగా-గోరఖ్‌పూర్ రహదారిపై ఈ ఘటన చోటుచేసుకుంది. ఈ ఘటనలో ఐదుగురికి స్వల్ప గాయాలయ్యాయి. వారిని స్థానిక ఆసుపత్రికి తరలించారు.
అంతకుముందు జబల్‌పూర్‌లో ప్రధాని మోదీ రోడ్‌షో నిర్వహించారు. ప్రధానిని చూసేందుకు పెద్ద సంఖ్యలో ప్రజలు తరలివచ్చారు. రోడ్‌షో షహీద్ భగత్ సింగ్ క్రాసింగ్ నుండి 1.2 కి.మీ- రూట్‌లో జరిగింది. జబల్‌పూర్‌లోని గోరఖ్‌పూర్‌లోని ఆదిశంకరాచార్య క్రాసింగ్ వద్ద ముగిసింది. మధ్యప్రదేశ్‌లో లోక్‌సభ ఎన్నికలు ఏప్రిల్ 26, ఏప్రిల్ 26, మే 7, మే 13 తేదీల్లో జరగనున్నాయి. జూన్ 4న ఓట్ల లెక్కింపు జరగనుంది.
