న్యూఢిల్లీ: పంజాబ్ సీఎం చరణ్ జిత్ సింగ్ చన్నీ మేనల్లుడు భూపిందర్ సింగ్ హనీ అరెస్ట్ పై రాజ్యసభలో విపక్ష నేత మల్లికార్జున ఖర్గే ఆగ్రహం వ్యక్తం చేశారు. చన్నీపై రాజకీయంగా ఒత్తిడి తీసుకొచ్చేందుకే భూపిందర్ ను అరెస్ట్ చేశారన్నారు. నిజంగానే ఆయన తప్పు చేసి ఉంటే.. నాలుగైదు నెలల ముందే అరెస్ట్ చేసి ఉండొచ్చు కదా అని ప్రశ్నించారు. ఎస్సీ సామాజిక వర్గానికి చెందిన చన్నీని వేధించేందుకే భూపిందర్ ను అరెస్ట్ చేశారని ఖర్గే పేర్కొన్నారు.
It's a political arrest,being done to create pressure.If action had to be taken against someone,it should've been done over 4-5 months,not in one single day. It's being done purposely. Channi is a Scheduled Caste CM,they want to hassle&demoralise him: Mallikarjun Kharge, Congress pic.twitter.com/UCkIzvLDTz
— ANI (@ANI) February 4, 2022
కాగా, ఎన్నికల వేళ పంజాబ్ సీఎం చరణ్ జిత్ సింగ్ చన్నీకి మరో షాక్ తగిలింది. చన్నీ మేనల్లుడు భూపిందర్ సింగ్ హనీని ఎన్ ఫోర్స్ మెంట్ డైరెక్టరేట్ (ఈడీ) అధికారులు అరెస్ట్ చేశారు. ఇసుక అక్రమ మైనింగ్ కేసులో భూపిందర్ ను అరెస్ట్ చేసినట్లు అధికారులు తెలిపారు. గురువారం ఉదయం నుంచి సాయంత్రం వరకు భూపిందర్ ను ప్రశ్నించిన అధికారులు.. భూపిందర్ ను అరెస్ట్ చేసిన విషయాన్ని సాయంత్రం ప్రకటించారు. ఇవాళ ఆయనను సీబీఐ కోర్టులో ప్రవేశపెట్టనున్నారు.
మరిన్ని వార్తల కోసం: