మరణం తర్వాత ఏం జరుగుతుంది? అది పిల్లలైనా లేదా పెద్దవారైనా, ప్రతి వ్యక్తి ఈ ప్రశ్న గురించి ఒకసారైనా, ఏదో ఒక సమయంలో ఆలోచించారా..? కనీసం ఊహించడానికైనా ప్రయత్నించారా..? టీవీల్లో లేదా సినిమాల్లో చూడడమే గానీ లేదా శాస్త్రవేత్తలు చెప్పడం వల్లనో గానీ ఇలాంటి వాటి గురించి వింటుంటాం. కానీ నిజానికి చనిపోయిన తర్వాత ఏం అవుతుందన్న దానికి సమాధానం దొరుకుతుందా. అలా చెప్పాలంటే ఒక మనిషి చచ్చిపోయి, మళ్లీ తిరిగి రావాలి. అప్పుడే ఏం జరుగుతుందన్న విషయం తెలుస్తుంది. ఈ రకమైన అనుభవాన్ని అనుభవించిన వారు ప్రపంచంలో చాలా మంది ఉన్నారు. ఇటీవల ఆస్ట్రేలియాకు చెందిన వ్యక్తి (ఆస్ట్రేలియా వ్యక్తి మరణించిన 28 నిమిషాలు) గురించి చాలా చర్చ జరిగింది. అతనితో అదే అనుభవం జరిగింది.
ఆస్ట్రేలియాకు చెందిన ఫిల్ జిడిబెల్ (57) మార్షల్ ఆర్ట్స్ ట్రైనర్ టాక్సీని నడుపుతున్నాడు. గతేడాది నవంబర్‌లో అతడికి జీవితంలోనే షాకింగ్ సంఘటన జరిగింది. ఫిల్ తన కొడుకుతో కలిసి బాస్కెట్‌బాల్ ఆడుతున్నప్పుడు అకస్మాత్తుగా అతనికి గుండెపోటు వచ్చింది. దీంతో అతడు అక్కడే పడిపోయాడు. అతని కొడుకు వెంటనే అంబులెన్స్‌కు ఫోన్ చేసి ఫిల్‌ని ఆసుపత్రికి తీసుకెళ్లాడు.
ఆసుపత్రిలో ఫిల్ కళ్ళు తెరిచినప్పుడు చెప్పిన ఓ విషయం అందర్నీ ఆశ్చర్యపరిచింది. తనకు గుండెపోటు వచ్చిన తర్వాత 28 నిమిషాల పాటు చనిపోయానని వెల్లడించారు. అంటే ఆ సమయంలో అతని గుండె కొట్టుకోవడం ఆగిపోయింది. దీని తరువాత, ఫిల్ తన మొత్తం అనుభవాన్ని చెప్పాడు. ప్రజలు చనిపోయిన తర్వాత తెల్లటి కాంతిని చూస్తారని లేదా దేవుడు కనిపిస్తాడని, దాన్ని టీవీలో తాను చాలాసార్లు విన్నానని ఫిల్ చెప్పాడు. కానీ తనకు అలాంటిదేమీ జరగలేదని తెలిపాడు.
మళ్లీ ప్రాణం పోసుకున్నాడు..
ఫిల్ మాట్లాడుతూ.. శరీరం నుంచి ఆత్మ రూపంలో బయటకు వచ్చి పైకి ఎగరడం మొదలుపెట్టానని, ఈ సమయంలో తన శరీరాన్ని మళ్లీ బ్రతికించుకునేందుకు ప్రయత్నించానని చెప్పాడు. అప్పుడు నర్సును చూస్తున్నానని.. అలా జరిగిపోయిందని చెప్పాడు. . అప్పుడు తనకు ఏం జరిగిందో గుర్తు లేదని తెలిపాడు. ఒకవేళ చనిపోయేదుంటే అతను నిద్రలోనే చనిపోయే వాడు. కానీ అలా జరగలేదు. ఈ ఘటన జరిగిన కొన్ని నెలల తర్వాత మళ్లీ మార్షల్ ఆర్ట్స్ చేయడం ప్రారంభించానని ఫిల్ చెప్పాడు. ఈ అనుభవం అతనికి చాలా నేర్పిందన్న ఆయన.. మనం చిన్న విషయాల గురించి చింతించాల్సిన అవసరం లేదని హితవు చేశాడు.
