- 15 రోజుల్లోనే తీర్పు వెలువరించిన యూపీలోని మథుర పోక్సో కోర్టు
మథుర(యూపీ): తొమ్మిదేళ్ల పిల్లాడిని లైంగికంగా వేధించి, ఆపై హత్య చేసిన నిందితుడికి యూపీలోని పోక్సో కోర్టు మరణ శిక్ష విధించింది. చిన్నారులను లైంగిక వేధింపుల నుంచి కాపాడేందుకు తీసుకొచ్చిన ప్రత్యేక చట్టం ( ది ప్రొటెక్షన్ ఆఫ్చిల్డ్రన్ ఫ్రం సెక్సువల్ అఫెన్సెస్ యాక్ట్‌ (పోక్సో))–2012 ప్రకారం నిందితుడికి మరణ శిక్ష విధిస్తూ ప్రత్యేక న్యాయమూర్తి తీర్పిచ్చారు. కేసు విచారణను రికార్డు సమయంలో.. పదిహేను రోజుల్లో పూర్తిచేసి, నిందితుడికి శిక్ష ఖరారు చేశారు. మథురలోని పోక్సో కోర్టు న్యాయమూర్తి జస్టిస్ రామ్కిశోర్ యాదవ్ సోమవారం ఈ సంచలన తీర్పు వెలువరించారు.
ఇదీ కేసు..
సదర్ బజార్కు పోలీస్ స్టేషన్ పరిధిలో ఏప్రిల్ 9న తొమ్మిదేండ్ల బాలుడు కనిపించకుండా పోయాడు. బాలుడి తండ్రి ఫిర్యాదుతో కేసు నమోదు చేసుకున్న పోలీసులు విచారణ ప్రారంభించారు. మథురలోని ఔరంగాబాద్ ఏరియాలోని సీసీటీవీ కెమెరాల ఫు టేజీలను పరిశీలించగా.. మహ్మద్ సైఫ్ అనే యువకుడితో బాలుడు కనిపించాడు. సైఫ్ను అదుపులోకి తీసుకుని విచారించగా.. బాలుడిని లైంగికంగా వేధించి ఆపై హత్య చేసినట్లు వెల్లడించాడు. మృతదేహాన్ని అర కిలోమీటర్ దూరంలో ఉన్న మురుగు కాల్వలో పడేసినట్లు బయటపెట్టాడు. మిస్సింగ్ కేసును హత్య, లైంగిక వేధింపుల కేసుగా మార్చారు. విచారించిన జడ్జి తుది తీర్పు వెలువరించారు.
