నర్సంపేట / నల్లబెల్లి, వెలుగు : ఆత్మహత్య చేసుకున్న మర్రి ప్రవల్లిక కుటుంబాన్ని కాంగ్రెస్ జాతీయ నాయకురాలు ప్రియాంకగాంధీ పర్సనల్ సెక్రటరీ, ఏఐసీసీ అధికార ప్రతినిధి డాలీ శర్మ, మాజీ ఎమ్మెల్యే దొంతి మాధవరెడ్డితో కలిసి ఆదివారం పరామర్శించారు. సాయంత్రం బిక్కాజుపల్లికి చేరుకున్న డాలీ శర్మ.. ప్రవల్లిక తల్లిదండ్రులు మర్రి లింగయ్య, విజయతో మాట్లాడారు. ప్రవల్లిక ఆత్మహత్య చేసుకున్న విషయం తెలుసుకున్న ప్రియాంకగాంధీ తీవ్ర దిగ్ర్భాంతికి గురయ్యారని చెప్పారు. ఆమె ఫ్యామిలీకి కాంగ్రెస్ పార్టీ అండగా ఉంటుందని హామీ ఇచ్చి రమ్మన్నారని తెలిపారు.
ఇదే సమయంలో పీసీసీ చీఫ్ రేవంత్రెడ్డి దొంతి మాధవరెడ్డికి ఫోన్చేశారు. తర్వాత ప్రవల్లిక తల్లిదండ్రులతో రేవంత్రెడ్డి ఫోన్లో మాట్లాడి ధైర్యం చెప్పారు. అధైర్యపడొద్దని, కాంగ్రెస్ పార్టీ అండగా ఉంటుందని హామీ ఇచ్చారు.కాంగ్రెస్ పార్టీ నాయకులు తక్కళ్లపల్లి రవీందర్రావు, సొంటిరెడ్డి రంజిత్రెడ్డి, తోకల శ్రీనివాస్రెడ్డి, ఎర్రోళ్ల బాబు, వేముల సాంబయ్య ఉన్నారు.