హైదరాబాద్ సిటీ, వెలుగు: మీడియా రంగంలో నైతిక విలువలు, విశ్వసనీయత పెంపొందించేందుకు స్వతంత్ర అపెక్స్ కమిటీ ఏర్పాటు అవసరమని ప్రఖ్యాత సినీ రచయిత, రాజ్యసభ సభ్యుడు కె.వి. విజయేంద్ర ప్రసాద్ అభిప్రాయపడ్డారు.హైదరాబాద్ ప్రెస్ క్లబ్లో శనివారం జరిగిన జర్నలిస్టులతో ముఖాముఖిలో ఆయన మాట్లాడారు.
మేధావులు, మాజీ న్యాయమూర్తులు, జర్నలిస్టులతో కూడిన కమిటీ ద్వారా మంచి జర్నలిజాన్ని ప్రోత్సహించి తప్పుడు సమాచారాన్ని నియంత్రించవచ్చన్నారు హైదరాబాద్లో ముందుగా కమిటీ ప్రారంభించి తర్వాత దేశవ్యాప్తంగా విస్తరించవచ్చని తెలిపారు. ప్రెస్ క్లబ్ అధ్యక్షుడు విజయ్కుమార్ రెడ్డి ఈ ప్రతిపాదనను స్వాగతిస్తూ పూర్తి సహకారం అందిస్తామని హామీ ఇచ్చారు. సీనియర్ జర్నలిస్ట్ స్వప్న, రమేశ్ వరికుప్పల, రమేశ్ వైట్ల తదితరులు పాల్గొన్నారు.
