జైషే మహ్మద్‌ చీఫ్‌, పుల్వామా దాడి మాస్టర్‌ మైండ్‌ మసూద్ అజహర్‌ చనిపోయినట్లుగా సోషల్ మీడియాలో వార్తలు వస్తున్నాయి. అతనిపై బాంబు దాడి జరిగినట్లుగా.. ఈ దాడిలో మసూద్ మృతిచెందినట్లుగా కథనాలు వస్తున్నాయి. 2024 జనవరి 1వ తేదీన ఉదయం 5 గంటల ప్రాంతంలో పాక్‌లోని భవల్‌పూర్‌ మసీదు నుంచి మసూద్ తిరిగి వస్తుండగా గుర్తుతెలియని వ్యక్తులు బాంబు దాడికి పాల్పడినట్లుగా వార్తలు వస్తున్నాయి. దీనిపై పాక్ మీడియా కూడా ఎలాంటి అధికార ప్రకటన చేయలేదు.
#BigBreaking After Dawood Ibrahim, now unknown assailants have sent India's most wanted Terror!st and Kandahar hijacker Masood Azar to 72 hoor by blasting a bomb at 5 in the morning on this New Year.
— P!YU$H S!NGH (@SpeaksKshatriya) January 1, 2024
Thank you “ Unknown men” for the New Year gift .?#MasoodAzhar pic.twitter.com/RtjRlrVlRU
భారత్‌లో జరిగిన పలు భీకర దాడులకు మసూద్ అజహర్‌ కీలక సూత్రధారి. 1995లో భారత్‌ అతడిని అరెస్టు చేసింది. అయితే 1999లో విమానాన్ని హైజాక్‌ చేసిన ఉగ్రవాదులు అతడిని విడిపించుకున్నారు. ఆ తర్వాత అతడు జైషేను స్థాపించాడు. 2001లో పార్లమెంట్‌పై జరిగిన ఉగ్రదాడి, 2008లో ముంబయిలో జరిగిన బాంబు పేలుళ్లలోనూ ఇతడి ప్రమేయం ఉంది.
2019లో జమ్మూకశ్మీర్‌లో పుల్వామాలో సైనికుల కాన్వాయ్‌పై జరిగిన ఉగ్రదాడిలో 40 మంది జవాన్లు ప్రాణాలు కోల్పోయిన విషయం తెలిసిందే. ఈ దాడికి వెనుక మసూద్ మాస్టర్‌మైండ్‌ ఉందన్న ఆరోపణాలు ఉన్నాయి . ఈ ఘటన తర్వాత ఐక్యరాజ్యసమితి.. మసూద్ అజహర్‌ ను అంతర్జాతీయ ఉగ్రవాదిగా ప్రకటించింది.
