- నియోజకవర్గాల్లో మీటింగ్స్ పెడుతున్న లీడర్లు
- పండుగ పూట కూడా మంత్రి ఆధ్వర్యంలో సమావేశాలు
నల్గొండ, వెలుగు: బీఆర్ఎస్ తొలి బహిరంగసభకు లక్షలాదిగా జనాన్ని తరలించడంపై జిల్లా లీడర్లు ఫోకస్ పెట్టా రు. ఈ నెల 18న ఖమ్మం వేదికగా నిర్వహిస్తున్న సభను ప్రతిష్టాత్మకంగా తీసుకున్న నేతలు భారీ జన సమీకరణ కోసం టార్గెట్లు పెట్టుకుని మరి పని చేస్తున్నారు. ప్రతి జిల్లా నుంచి లక్షకు పైగా జనాన్ని తీసుకురావాలని పార్టీ హైకమాండ్ఆదేశించడంతో ఉమ్మడి జిల్లా నుంచి భారీ సంఖ్యలో తరలించేందుకు సన్నాహాలు మొదలు పెట్టారు. ఒక్క సూర్యాపేట జిల్లా నుంచే 1.50 లక్షల మందిని తరలించేందుకు మంత్రి జగదీశ్రెడ్డి కసరత్తు చేస్తున్నారు. కోదాడ, హుజూర్ నగర్, తుంగతుర్తి నియోజకవర్గాలు ఖమ్మం జిల్లాకు బార్డర్ ప్రాంతాలుగా ఉండడంతో అక్కడి నుంచి ఎక్కువగా జనాన్ని తరలించాలని భావిస్తున్నారు.
నియోజకవర్గానికి 40 వేలకు తగ్గకుండా..
సూర్యాపేట జిల్లాలోని 4 నియోజకవర్గాలలో నియోజకవర్గానికి 40 వేల మందికి తగ్గకుండా సభకు తరలించేందుకు ప్లాన్ చేస్తున్నట్లు లీడర్లు చెప్తున్నారు. నల్లగొండ, యాదాద్రి భువనగిరి జిల్లాలో మాత్రం లీడర్లు ఎవరికి వారే తరలి వెళ్లేందుకు రెడీ అవుతున్నారు. బీఆర్ఎస్గ్రామ, మండల కమిటీలు రోజూ మీటింగ్స్పెట్టుకుని తరలివెళ్లేందుకు సిద్ధమవుతున్నారు.
సభపై విసృతంగా ప్రచారం
ఓ పక్క సంక్రాంతి పండుగ ఉన్నా..3 రోజుల పాటు నియోజకవర్గాల్లో భారీ జన సమీకరణ కోసం ఏర్పాట్లు చేయాలని పార్టీ హైకమాండ్ఆదేశించడంతో .. పండుగను పట్టించుకోకుండా మరి జన సమీకరణ కార్యక్రమాల్లో ముఖ్య నాయకులు మునిగిపోయారు. ఆదివారం మంత్రి జగదీశ్రెడ్డి కోదాడ, హుజూర్నగర్మండలాలల్లో మీటింగ్పెట్టి నాయకులతో ఏర్పాట్లపై మాట్లాడారు. ఖమ్మం సభ సమయం దగ్గర పడుతుండడంతో మరో 3 రోజుల పాటు ఆయా నియోజక వర్గాలలో సన్నాహక సమావేశాలు నిర్వహించేలా ప్లాన్ చేసుకుంటున్నారు.
