మూడోసారి అధికారంలోకి రాగానే రేషన్ షాపుల్లో సోనామసూరి బియ్యం ఇస్తామని హరీష్ రావు చెప్పారు. ఎన్నికలంటే ఐదేళ్ల భవిష్యత్.. ఆలోచించి ఓటెయ్యాలని ప్రజలకు సూచించారు. వంద అబద్ధాలు చెప్పి కాంగ్రెస్ నేతలు అధికారంలోకి రావాలని అనుకుంటున్నారని విమర్శించారు. అధికారంలోకి రాగానే ఎస్సీ, ఎస్సీల అసైన్డ్ భూములకు పట్టాలిస్తామని తెలిపారు. హుస్నాబాద్ నియోజకవర్గంలో మంత్రి హరీష్రావు రోడ్ షో నిర్వహించారు.
కాంగ్రెస్ నేతలు బీఆర్ఎస్ పార్టీ హామీలను కాపీ కొట్టారని మంత్రి హరీష్ రావు అన్నారు. ఆఖరుకు రామక్క సాంగ్ ను కూడా కాపీ కొట్టారని వ్యాఖ్యానించారు. కాంగ్రెస్ నమ్మితే మళ్లీ ఆగం అవుతారని.. ఆ పార్టీ గెలిస్తే రైతుబంధు రాదని చెప్పారు. సౌభాగ్య లక్ష్మీకింద మహిళలకు రూ. 2వేలు ఇస్తామని చెప్పారు.
