రాజన్న సిరిసిల్ల జిల్లా : కేసీఆర్ సర్కారును రాజకీయంగా ఎదుర్కోలేకే.. కేంద్ర ప్రభుత్వం తమపైకి వేట కుక్కలను వదులుతోందని మంత్రి కేటీఆర్ వ్యాఖ్యానించారు.“మేం రెడీగా ఉన్నాం. మోడీ గోడీ ఆయన ఈడీ ఎవరైనా రమ్మను. డ్రగ్స్ టెస్ట్ కోసం రక్తంతో పాటు కిడ్నీ కూడా ఇస్తా..మోదీని కూడా ఇమ్మని కోరుతా.. తప్పకుండా నేను క్లీన్ చిట్ తో బయటకు వస్తా.. నేను క్లియర్ గా ఉంటే నాపై ఆరోపణలు చేస్తున్న వాళ్లు కరీంనగర్ లో చెప్పు దెబ్బలు తినాలి ” అంటూ కేటీఆర్ సంచలన కామెంట్స్ చేశారు. రాజన్న సిరిసిల్ల జిల్లాలో నిర్వహించిన ప్రెస్ మీట్ లో మంత్రి కేటీఆర్ మాట్లాడారు.
బీజేపీ రాష్ట్ర అధ్యక్షుడు బండి సంజయ్పై మంత్రి కేటీఆర్ తీవ్రస్థాయిలో ఫైర్ అయ్యారు. కోడె మొక్కుల దేవుడిపై సంజయ్ కు నిజంగా ప్రేమ ఉంటే.. వేములవాడ గుడికి 500 కోట్ల నిధులు తీసుకురావాలని సవాల్ విసిరారు. కరీంనగర్ కు అసలు ఏం చేశారో చెప్పాలన్నారు. చిల్లర మాటలు మాట్లాడితే ఓట్లు రావని, పద్ధతి మార్చుకోవాలంటూ బండి సంజయ్ ను కేటీఆర్ టార్గెట్ చేశారు.
