ఘట్ కేసర్, వెలుగు : వరంగల్ హైవేకు ఆనుకుని మంత్రి మల్లారెడ్డి షాప్లను నిర్మిస్తుండగా.. వాటికి గ్రామ పంచాయతీ అనుమతులు తీసుకోలేదనే ఆరోపణలు వినిపిస్తున్నాయి. దీనిపై పంచాయతీ కార్యదర్శిని అడిగితే.. ‘మంత్రి నిర్మాణాలకు పర్మిషన్లు ఎందుకు అంటూ..? వివరణ ఇవ్వడం గమనార్హం. పంచాయతీ ఉన్నాధికారులు కూడా షాపులపై చర్యలకు జంకుతున్నారు.
ALSO READ: బీజేపీ టికెట్ కోసం.. బీఆర్ఎస్ కు గుడ్ బై చెప్తున్న లీడర్లు
మేడ్చల్ జిల్లా ఘట్ కేసర్ మండలం వెంకటాపూర్ పంచాయతీ పరిధిలో వరంగల్ నేషనల్ హైవేకు ఆనుకొని ఉన్న స్థలంలో మంత్రి మల్లారెడ్డి 15 నుంచి 18 వరకు షాపులను నిర్మిస్తున్నారు. అయితే.. ఈ అక్రమ నిర్మాణాలపై పంచాయతీ అధికారులు చర్యలు తీసుకోకపోవడాన్ని స్థానికులు తప్పుపడుతున్నారు. ప్రతిపక్ష పార్టీల లీడర్లు సైతం దీని గురించి స్పందించకపోవడం విస్మయం కలిగిస్తోందన్నారు.
