కేటీఆర్‎నే తట్టుకోలేవు.. కేసీఆర్‎ని ఏం తట్టుకుంటయ్

V6 Velugu Posted on Sep 07, 2021

హైదరాబాద్: హైదరాబాద్ జిల్లా స్థాయి టీఆర్ఎస్ పార్టీ జనరల్ బాడీ సమావేశం జలవిహార్‎లో ప్రారంభం అయింది. ఈ కార్యక్రమంలో మంత్రి కేటీఆర్, డిప్యూటీ సీఎం మహ్మద్ అలీ, మంత్రి మల్లారెడ్డి, తలసాని శ్రీనివాస్ యాదవ్, సబితా ఇంద్రారెడ్డి, నగర ఎమ్మెల్యేలు, మేయర్ విజయలక్ష్మి, కార్పొరేటర్లు, ప్రజాప్రతినిధులు, కార్యకర్తలు తదితరులు పాల్గొన్నారు. ఈ సందర్భంగా మంత్రి తలసాని శ్రీనివాస్ యాదవ్ మాట్లాడుతూ.. విపక్షాలకు కేటీఆర్‎ని తట్టుకునే శక్తి లేదు.. కేసీఆర్‎ని ఏం తట్టుకుంటారని అన్నారు.

‘తెలంగాణ ఉద్యమంలో హైదరాబాద్ నుంచి చాలా మంది పాల్గొన్నారు. హైదరాబాద్‎లో జరిగిన అభివృద్ధి మన కళ్ల ముందు కనిపిస్తుంది. ఈ మధ్య సోషల్ మీడియాలో చిన్నా పెద్ద అనే తేడా లేకుండా మాట్లాడ్తున్నారు. బూతులు మాట్లాడటం ఫ్యాషన్ అయింది. ప్రజాస్వామ్యంలో ఇది ఇబ్బందిగా మారింది. మన పార్టీ కార్యకర్తలు క్రమశిక్షణగా ఉండాలి. ఇతరులు మాట్లాడారని మనం మాట్లాడొద్దు. హైదరాబాద్‎లో మంచి నీటి కొరత లేదు. కాంగ్రెస్, బీజేపీ లీడర్లు డబుల్ బెడ్ రూమ్స్ పై బుద్ధి లేకుండా మాట్లాడ్తున్నారు. కాంగ్రెస్ నేత భట్టి విక్రమార్కను తీసుకెళ్లి చూపించాను. విపక్షాలు శృతి మించితే.. మేం తిరగబడితే మీరు హైదరాబాద్‎లో తిరగరు. మాకు ఉన్న క్యాడర్ హైదరాబాద్‎లో ఏ పార్టీకి లేదు. మనం అందరం ఇక్కడ నుంచి బయలుదేరితే విపక్షాలు ఉంటాయా? విపక్షాలకు కేటీఆర్‎ని తట్టుకునే శక్తి లేదు.. కేసీఆర్‎ని ఏం తట్టుకుంటారు. మన తప్పిదాల వల్లే గ్రేటర్‎లో కొన్ని స్థానాలు ఓడిపోయాము. టిక్కెట్ల విషయంలో మా ప్రమేయం లేదు. అన్ని నివేదికల ఆధారంగానే అధిష్టానం టిక్కెట్లు కేటాయించింది. అందరికన్నా పెద్ద హిందువు కేసీఆర్ మాత్రమే. ఆయన ఎన్నో యాగాలు, యజ్ఞాలు చేశారు’ అని మంత్రి తలసాని అన్నారు.

Tagged Bjp, TRS, Hyderabad, Congress, CM KCR, Minister KTR, Minister Talasani Srinivas Yadav, Hyderabad TRS plenary meeting

Latest Videos

Subscribe Now

More News