బిగ్ బాస్ ఫేమ్ సోహైల్‌(Sohail) హీరోగా వచ్చిన లేటెస్ట్ మూవీ మిస్టర్‌ ప్రెగ్నెంట్‌(Mistar pregnant). రూపా కొడువాయుర్‌(Rupa koduvayur) హీరోయిన్‌గా నటించిన ఈ సినిమా ఆగస్టు 18న థియేటర్లలోకి వచ్చింది. చిన్న బడ్జెట్ తో, వినూత్న కాన్సెప్ట్ తో వచ్చిన ఈ సినిమాకు ఫ్యామిలీ ఆడియన్స్‌ నుంచి మంచి స్పందన వస్తోంది. దీంతో రోజురోజుకూ కలెక్షన్స్ పెరుగుతున్నాయి. విడుదలైన మూడు రోజుల్లోనే ఈ చిత్రం ప్రపంచవ్యాప్తంగా రూ.4.6 కోట్లు వసూళ్లు రాబట్టింది. దీనికి సంబంధించి చిత్రయూనిట్‌ స్పెషల్‌ పోస్టర్‌ ను కూడా విడుదల చేసింది. దీంతో అభిమానులు, ప్రేక్షకులు చిత్ర యూనిట్ కు శుభాకాంక్షలు తెలుపుతూ కామెంట్స్ చేస్తున్నారు.
మిస్టర్‌ ప్రెగ్నెంట్‌ సినిమా విషయానికి వస్తే.. శ్రీనివాస్‌ వింజనంపాటి ఈ సినిమాతో దర్శకుడిగా పరిచయమయ్యాడు. మైక్ మూవీస్ పతాకంపై అప్పి రెడ్డి, సజ్జల రవీందర్ రెడ్డి, వెంకట్ అన్నపరెడ్డి ఈ చిత్రాన్ని నిర్మించారు.
