కామారెడ్డి, వెలుగు: డీటీసీపీ ఆఫీసర్లు, కన్సల్టెన్సీ తప్పిదం వల్లే కామారెడ్డి ముసాయిదా ప్లాన్పై గందరగోళం నెలకొందని కామారెడ్డి ఎమ్మెల్యే, ప్రభుత్వ విప్గంప గోవర్ధన్ అన్నారు. శనివారం సాయంత్రం ఆయన మీడియాతో మాట్లాడారు. కౌన్సిల్ తీర్మానం చేసి పంపిన ప్లాన్ ఒకటయితే , డీటీసీపీ, కన్సల్టెంట్ వాళ్లు మరొకటి పంపారన్నారు. ఈ తప్పిదాన్ని మంత్రి కేటీఆర్ దృష్టికి తీసుకెళ్లి బాధ్యులపై చర్యలు తీసుకునేలా చూస్తానన్నారు. కొందరు లీడర్లు రైతులను అయోమయానికి గురి చేస్తున్నారని, బాధ్యతగలవాళ్లు కూడా ఇష్టమొచ్చినట్లుగా మాట్లాడుతున్నారని విమర్శించారు. రైతుల భూములను లాక్కుంటున్నారని రెచ్చగొడుతూ వారిని రోడ్లపైకి తెస్తున్నారన్నారు. అడ్లూర్, ఇల్చిపూర్, టెకిర్యాల్ శివార్లలో 600 ఎకరాలను రెసిడెన్షియల్ జోన్గా ప్రతిపాదిస్తే కన్సల్టెంట్ సంస్థ ఇండస్ర్టియల్ జోన్గా చూపెట్టిందన్నారు. కామారెడ్డి టౌన్లో 3,412 ఎకరాల గవర్నమెంట్ భూములున్నాయని, ప్రభుత్వ భూముల్లోనే ఇండస్ట్రీయల్ జోన్ ప్రతిపాదించామని వివరించారు. రామేశ్వర్పల్లిలో గవర్నమెంట్భూముల్లో గ్రీన్జోన్, రిక్రియేషన్ జోన్ ప్రపోజల్స్చేస్తే ప్రైవేట్ భూములకు మార్చారన్నారు. మెయిన్ రోడ్డుపై రద్దీ నియంత్రించేందుకు లింగాపూర్ శివారు నుంచి 100 ఫీట్ల రోడ్డు ప్రతిపాదించామని, సబ్స్టేషన్ వెనుక నుంచి లింగాపూర్ రోడ్డు వరకు ప్రతిపాదించిన 100 ఫీట్ల రోడ్డుతో రైతులకు చెందిన భూమి పోదన్నారు. లింగాపూర్ మీదుగా కామారెడ్డి చెరువు వరకు ప్రతిపాదించిన రోడ్డు వల్ల కూడా ఎవరికీ నష్టం లేదన్నారు. అభ్యంతరాల స్వీకరణ తర్వాత అందరితో చర్చించి ఫైనల్ మాస్టర్ ప్లాన్ పంపిస్తామన్నారు. రైతులు, మేధావులు, అన్ని వర్గాలతో మీటింగ్ ఏర్పాటు చేస్తామన్నారు.
బలవంతంగా రుద్దటం సరికాదు: కోదండరాం
ప్రజల అభిప్రాయాల మేరకే మాస్టర్ ప్లాన్లు తయారు చేయాలే కానీ బలవవంతంగా రుద్దటం మంచిది కాదని టీజేఎస్ స్టేట్ ప్రెసిడెంట్ ప్రొఫెసర్ కోదండరాం అన్నారు. మాస్టర్ప్లాన్తో నష్టపోతానని ఆత్మహత్య చేసుకున్న అడ్లూర్ ఎల్లారెడ్డి రైతు పయ్యావుల రాములు కుటుంబాన్ని ఆయన శనివారం పరామర్శించారు. రైతులు వ్యతిరేకిస్తున్న మాస్టర్ప్లాన్ఉపసహరించుకోవాలని కోరుతూ కలెక్టర్ జితేశ్ వి పాటిల్కు వినతిపత్రం అందించారు. మాస్టర్ ప్లాన్ తయారు చేయడంలోనే తప్పు జరిగిందన్నారు. ప్రభుత్వం ప్రజల మనోభావాలను పట్టించుకోకుండా ప్రవర్తిస్తే కామారెడ్డిలో జరిగినట్లుగానే మిగతాచోట్ల కూడా జరుగుతుందన్నారు.
రైతులు ఆత్మహత్యలు చేసుకోవద్దు:- కె.ఎ. పాల్
కామారెడ్డి మాస్టర్ప్లాన్ 10 రోజుల్లో మారిపోతుందని, రైతులెవరూ తొందర పడొద్దని ప్రజాశాంతి పార్టీ ప్రెసిడెంట్ కె.ఎ. పాల్అన్నారు. శనివారం ఆయన కామారెడ్డిలో కలెక్టర్ను కలిశారు. అనంతరం మీడియాతో మాట్లాడారు. ప్లాన్ను రద్దు చేయకపోతే రైతుల పక్షాన తానే ధర్నాకు దిగుతానన్నారు. రైతులు రాజకీయ పార్టీల ఉచ్చులో పడొద్దన్నారు. బండి సంజయ్పై కేసు మాస్టర్ ప్లాన్ వ్యతిరేక పోరాటంలో పాల్గొన్న బీజేపీ చీఫ్బండి సంజయ్తో పాటు పలువురిపై కేసు నమోదైంది. రైతుల ఆందోళనకు మద్దతుగా శుక్రవారం రాత్రి బండి సంజయ్ ఆధ్వర్యంలో కలెక్టరేట్ ముట్టడించారు. ఈ సందర్భంగా తోపులాట జరిగింది. పోలీసు వెహికల్అద్దాలు ధ్వంసమయ్యాయి. ప్రభుత్వ ఆస్తులు ధ్వంసం చేయటం, ఆఫీసర్ల డ్యూటీకి ఆటంకం కలిగించటం వంటి ఆరోపణలపై బండి సంజయ్, మాజీ ఎమ్మెల్యే ఏనుగు రవీందర్రెడ్డి, కామారెడ్డి ఇన్చార్జి కాటిపల్లి వెంకటరమణారెడ్డి తదితరుల మీద దేవునిపల్లి పోలీస్స్టేషన్లో కేసు నమోదు చేశారు. కోర్టుకెళ్లిన రైతులు ముసాయిదా మాస్టర్ప్లాన్లో తమ భూములను రిక్రియేషన్ జోన్గా చూపెట్టడంపై రామేశ్వర్పల్లికి చెందిన ఐదుగురు రైతులు హైకోర్టుకు వెళ్లారు. 40 ఎకరాను రిక్రియేషన్ కింద చూపడాన్ని సవాల్ చేశారు. ముసాయిదా మాస్టర్ ప్లాన్కు వ్యతిరేకంగా శనివారం పాతరాజంపేట రైతులు ఆందోళన చేశారు. మున్సిపల్ ఆఫీసుకు వెళ్లి కమిషనర్కు వినతిపత్రం అందించారు.
