జనగామ, వెలుగు: స్టేషన్ ఘన్పూర్ పరిధిలోని దేవాలయాల భూములను పరిరక్షించాలని ఎమ్మెల్యే కడియం శ్రీహరి అన్నారు. ఎండోమెంట్ జాయింట్ కమిషనర్ రామకృష్ణారావు, కలెక్టర్ రిజ్వాన్ భాషా షేక్తో కలిసి కలెక్టరేట్లో దేవస్థానాల చైర్మన్లు, ఈవోలు, రెవెన్యూ, ఇంజినీరింగ్ అధికారులతో బుధవారం నిర్వహించిన సమీక్షలో కడియం మాట్లాడారు. ఆలయాల అభివృద్ధికి ప్రత్యేక కార్యాచరణ రూపొందించాలన్నారు. జీ
డికల్ రామచంద్ర స్వామి, చిల్పూర్ బుగులు వేంకటేశ్వర స్వామి, స్టేషన్ ఘన్పూర్ తిరుమలనాథ స్వామి, నవాబ్ పేట కోదండ రామస్వామి, చిన్నపెండ్యాల, జఫర్ఘడ్లక్ష్మీనరసింహ స్వామి ఆలయాల్లో మెరుగైన సౌకర్యాల కల్పనకు చర్యలు తీసుకోవాలన్నారు. వచ్చే నెల 10న జీడికల్ లో నిర్వహించే కల్యాణ మహోత్సవాలకు ఏర్పాట్లు చేయాలన్నారు. భక్తులకు మెరుగైన సదుపాయాలు కల్పించాలన్నారు. ఎండోమెంట్ అధికారులతో కో ఆర్డినేట్ చేసుకొని దేవాలయ భూములకు హద్దులను ఏర్పాటు చేయాలన్నారు. సమావేశంలో జనగామ, స్టేషన్ ఘన్పూర్ ఆర్డీవోలు గోపీరామ్, వెంకన్న, తహసీల్దార్లు తదితరులు పాల్గొన్నారు.
