బతుకమ్మ చీరల పంపిణీ దేశంలో ఎక్కడా లేదని ఇబ్రహీంపట్నం ఎమ్మెల్యే మంచిరెడ్డి కిషన్ రెడ్డి అన్నారు. మంచాల మండల పరిషత్ కార్యాలయంలో బతుకమ్మ చీరెల పంపిణీ, కల్యాణలక్ష్మి, షాదీ ముబారక్ చెక్కుల పంపిణీ కార్యక్రమంలో మంచిరెడ్డి పాల్గొన్నారు. ఈ కార్యక్రమంలో ఎమ్మెల్యే ముఖ్య అతిథిగా హాజరై బతుకమ్మ చీరలను, చెక్కులను మహిళలకు అందజేశారు. కళ్యాణ లక్ష్మి చెక్కులు అందించడం ఆడబిడ్డల కుటుంబానికి ఎంతో అసరా అన్నారు. తెలంగాణ ఆడబిడ్డలకు పసుపు-కుంకుమ కింద సర్కారు సారెగా ప్రతి ఏటా బతుకమ్మ చీరెలను అందించి గౌరవిస్తోందని తెలిపారు. ఈ క్రమంలోనే బతుకమ్మ చీరల పంపిణీ దేశంలో మరెక్కడా లేదన్నారు. సిరిసిల్లలో మగ్గం ద్వారా నేసిన చీరలను ప్రతి సంవత్సరం మహిళలకు అందజేయడం జరుగుతుందని మంచిరెడ్డి కిషన్ రెడ్డి స్పష్టం చేశారు.
