- ఎమ్మెల్యే వెడ్మ బొజ్జు పటేల్
ఇంద్రవెల్లి,(ఉట్నూర్) వెలుగు: ఆదిలాబాద్ జిల్లా ఉట్నూర్ మండలం శ్యాంపూర్లో కొలువుదీరిన బుడుందేవ్ జాతర మెస్రం వంశీయుల పూజలతో ఆదివారం వైభవంగా ప్రారంభమైంది. జాతర ప్రారంభోత్సవంలో ఖానాపూర్ ఎమ్మెల్యే వెడ్మ బొజ్జు పటేల్ చీఫ్గెస్ట్గా పాల్గొన్నారు. బుడుందేవ్కు ప్రత్యేక పూజలు చేశారు. అనంతరం మాట్లాడుతూ.. బుడందేవ్ ఆలయం చుట్టూ ప్రహరీ నిర్మిస్తానని, ప్రత్యేక మరుగుదొడ్లు, నీటి ఎద్దడి లేకుండా ప్రత్యేక బోర్వెల్ వేస్తామని హామీ ఇచ్చారు.
హైదరాబాద్కు చెందిన నాగేంద్ర ఆధ్వర్యంలో మెస్రం వంశీయుల మహిళలకు చీరలు అందజేశారు. కార్యక్రమంలో నాగోబా ఆలయ పీఠాధిపతి మెస్రం వెంకట్రావు, కటోడాలు మెస్రం కోసు, హనుమంతు, కాంగ్రెస్ నాయకులు, గ్రామస్తులు పాల్గొన్నారు.
