- మండలి చైర్మన్కు ఫిర్యాదు
హైదరాబాద్, వెలుగు: గత ప్రభుత్వం రాష్ర్ట ఆవిర్భావం నుంచి 2024 వరకు అసెంబ్లీ ఆమోదం లేకుండానే రూ. 1.6 లక్షల కోట్ల ఖర్చు చేసిందని ఎమ్మెల్సీ తీన్మార్ మల్లన్న ఆరోపించారు. ఈ అంశంపై శుక్రవారం మండలి చైర్మన్ గుత్తా సుఖేందర్ రెడ్డి, డిప్యూటీ చైర్మన్ బండా ప్రకాశ్ ముదిరాజ్ ను కలిసి ఫిర్యాదు చేశారు. కాగ్ నివేదికలో పేర్కొన్న ప్రకారం.. 2014 నుంచి 2018 వరకు రూ. 84,650.99 కోట్లు, 2018 –19లో రూ. 29,133. 69 కోట్లు ఖర్చు చేశారన్నారు.
2019-–20లో రికార్డు స్థాయిలో రూ.47,896.44 కోట్లు అధికంగా ఖర్చు చేసి ఆర్థిక క్రమశిక్షణను పూర్తిగా దెబ్బతీశారని తెలిపారు. శాసనసభకు తెలియజేయకుండా ప్రజాధనాన్ని ఖర్చు చేయడం రాజ్యాంగ విరుద్ధమని, ఇది శాసనసభ అధికారాలను అవమానించే చర్య అని మల్లన్న పేర్కొన్నారు.
