న్యూఢిల్లీ: అరుణాచల్ప్రదేశ్లో చైనా దురాక్రమణలపై ప్రధాని నరేంద్ర మోదీ, హోంమంత్రి అమిత్ షా దేశ ప్రజలకు సమాధానం చెప్పాలని కాంగ్రెస్ జాతీయఅధ్యక్షుడు మల్లికార్జున ఖర్గే డిమాండ్ చేశారు. దేశం మొత్తం మన సైనికుల వెన్నంటే ఉంటుంది, చైనా దురాక్రమణలను ఐక్యంగా ఎదుర్కొంటుందని స్పష్టం చేశారు. అయితే, చైనా దురాక్రమణకు సంబంధించిన నివేదికలపై మోదీ సర్కారు స్పందించాలని తేల్చిచెప్పారు.
గల్వాన్ ఘర్షణల తర్వాత చైనా ఇప్పుడు అరుణాచల్ప్రదేశ్లో కవ్వింపు చర్యలకు పాల్పడుతోందని ఖర్గే సోషల్మీడియా వేదికగా విమర్శించారు. 2020లో గల్వాన్ లోయలో 20 మంది వీర జవాన్లు ప్రాణాలు కోల్పోతే స్వయంగా ప్రధాని మోదీనే చైనాకు క్లీన్చిట్ఇచ్చారని, ఆ చర్యే డ్రాగన్దేశానికి మరింత ధైర్యం నూరిపోసిందని మండిపడ్డారు. ఇటీవల టక్సింగ్ ఏరియాలో చైనా సైన్యం కదలికలు పెరిగాయా..? షెరా-5 పెట్రోలింగ్ పాయింట్పై మన సైన్యం పట్టుకోల్పోయిందా..? అని ఖర్గే ప్రభుత్వాన్ని నిలదీశారు.
