బెల్లంపల్లి,వెలుగు: బెల్లంపల్లి ప్రజలకు సద్దుల బతుకమ్మ, విజయదశమి శుభాకాంక్షలు తెలుపుతూ బీజేపీ, కాంగ్రెస్ పార్టీ లీడర్లు ఏర్పాటు చేసిన ఫ్లెక్సీలను సోమవారం మున్సిపల్సిబ్బంది తొలగించారు. ఫ్లెక్సీలు తొలగించిన ఏరియాలను బీజేపీ జిల్లా ప్రధాన కార్యదర్శి మునిమంద రమేశ్, బెల్లంపల్లి అసెంబ్లీ నియోజకవర్గ కన్వీనర్ రాచర్ల సంతోష్ పరిశీలించారు. ఈ సందర్భంగా వారు మాట్లాడుతూ టీఆర్ఎస్ ప్రజాప్రతినిధులు, లీడర్ల అండదండలతోనే ఫ్లెక్సీలు తొలగించారని ఆరోపించారు. ప్రతిపక్ష పార్టీలకు పండగ శుభాకాంక్షలు చెప్పే హక్కులేదా అని ప్రశ్నించారు. ఫ్లెక్సీలు తొలగించిన వారిపై చర్యలు తీసుకోవాలని డిమాండ్చేశారు. లేదంటే బీజేపీ ఆధ్వర్యంలో ఆందోళన కార్యక్రమాలు ఉధృతం చేస్తామని హెచ్చరించారు.
సమాచారం లేదు..
ఫ్లెక్సీలు తొలగింపుపై ఎలాంటి సమాచారం లేదు. ఎందుకు తొలగించారో వివరాలు సేకరిస్తున్నాం. అనుమతి లేకుండా ఏర్పాటు చేసిన ఫ్లెక్సీలు తొలగించాలని మున్సిపల్ శానిటేషన్సిబ్బందిని ఆదేశించాం.
-ఆకుల వెంకటేశ్, మున్సిపల్ ఇన్చార్జి కమిషనర్
