- ప్యారాచూట్ లీడర్లకు టికెట్లిచ్చి నమ్ముకున్నోళ్లను ముంచిండ్రు
- నాగం జనార్దన్ రెడ్డి ఫైర్
- రాజకీయ భవిష్యత్తుపై త్వరలో నిర్ణయం ప్రకటిస్తానని వెల్లడి
నాగర్కర్నూల్/నాగర్ కర్నూల్ టౌన్, వెలుగు : కాంగ్రెస్ పార్టీ కోవర్డుల చేతిలో ఉందని, బీఆర్ఎస్నుంచి వచ్చిన ప్యారాచూట్లీడర్లకు టికెట్లు ఇచ్చి తమకు నమ్మక ద్రోహం చేశారని కాంగ్రెస్ సీనియర్నేత, మాజీ మంత్రి నాగం జనార్ధన్రెడ్డి మండిపడ్డారు. సీనియర్ల పట్ల పీసీసీ అవమానకరంగా వ్యవహరిస్తోందని, బీఆర్ఎస్ లో పైసాకు చెల్లని లీడర్లు కాంగ్రెస్ కు దిక్కయ్యారా? అని ప్రశ్నించారు. సోమవారం ఆయన నాగర్ కర్నూల్ లోని తన ఇంట్లో మీడియాతో మాట్లాడారు. నాగర్కర్నూల్ టికెట్ తనకు కాకుండా మరో లీడర్కు ఇవ్వడంపై ఆయన ఆగ్రహం వ్యక్తం చేశారు. వలస వచ్చిన వాళ్లకే టికెట్లు కేటాయించారని, మొదటి నుంచి కష్టపడ్డ వారికి టికెట్లు ఇవ్వకపోవడం ఏంటని ప్రశ్నించారు. పార్టీ బలోపేతానికి కృషి చేసిన లీడర్లను పీసీసీ అవమానించిందని ఆవేదన వ్యక్తంచేశారు.
హైకమాండ్ఆదేశాలతో అనేక సభలను తాను విజయవంతం చేసి, జనాల్లో ఉంటే.. జిల్లా ఎల్లలు, నియోజకవర్గ సమస్యలు తెలియని వారికి టికెట్ ఎలా కేటాయించారని ఆగ్రహించారు. తనకు ఎందుకు టికెట్ ఇవ్వలేదో హైకమాండ్స్పష్టత ఇవ్వాలని డిమాండ్ చేశారు. బీఆర్ఎస్ నుంచి వచ్చిన పొంగులేటి శ్రీనివాస్ రెడ్డి, జూపల్లి కృష్ణారావు కాంగ్రెస్ పార్టీకి ఎక్కువయ్యారా అని నిలదీశారు. పీసీసీ ప్రెసిడెండ్రేవంత్రెడ్డి ఉదయ్ పూర్ డిక్లరేషన్ ను పూర్తిగా తుంగలో తొక్కారని నాగం మండిపడ్డారు.
మూడు సార్లు ఓడిపోయిన వారికి టికెట్ కేటాయించొద్దని, ఐదేండ్లు పార్టీ కోసం పని చేసిన వారికే టికెట్ ఇవ్వాలని ఉదయ్పూర్డిక్లరేషన్లో ఉన్నప్పటికీ దాన్ని అమలు చేయకపోవడం విడ్డూరంగా ఉందన్నారు. తన రాజకీయ భవిష్యత్తు అంశంపై ఎన్నికల నామినేషన్ గడువు ముగిసేలోపు కార్యకర్తలతో చర్చించి నిర్ణయం తీసుకుంటానని స్పష్టం చేశారు.
ఇండిపెండెంట్గా పోటీ : సీఆర్ జగదీశ్వర్రావు
పార్టీ కోసం ఏడేండ్లు కష్టపడిన తనను కాదని, పార్టీని ముంచిన జూపల్లి కృష్ణారావుకు కొల్లాపూర్టికెట్ఎలా ఇస్తారని కాంగ్రెస్ఇన్చార్జి సీఆర్జగదీశ్వర్ రావు ఫైర్అయ్యారు. అదే నియోజకవర్గం నుంచి తాను ఇండిపెండెంట్గా పోటీ చేసి, సత్తా ఏంటో చూపిస్తానన్నారు. కాంగ్రెస్టికెట్తనకు రాకపోవడంతో సోమవారం పెద్దకొత్తపల్లి మండలం ముష్టిపల్లిలో అనుచరులు ఆయనకు మద్దతుగా సమావేశం నిర్వహించారు. ఈ సమావేశంలో సీఆర్జగదీశ్వర్రావు, నాగం జనార్దన్రెడ్డి పాల్గొన్నారు. ఈ సందర్భంగా జగదీశ్వర్ రావు మాట్లాడారు. ‘కాంగ్రెస్ పిలుపు మేరకు ఆందోళనలు, ఉద్యమాలు, పోరాటాలు చేసినం.
రాహుల్ భారత్ జోడో యాత్రను సక్సెస్ చేసినం. నాగర్కర్నూల్, కొల్లాపూర్లో భారీ బహిరంగ సభలు పెట్టి పార్టీకి ఊపు తెచ్చినం’ అని గుర్తు చేశారు. 2018లో కాంగ్రెస్పార్టీని ఓడించేందుకు ప్రయత్నించిన జూపల్లిని పార్టీలోకి ఆహ్వానించి, టికెట్ఇవ్వడం కాంగ్రెస్ కార్యకర్తలకు, కొల్లాపూర్ ప్రజలకు పీసీసీ చేసిన ద్రోహమని మండిపడ్డారు. కాంగ్రెస్ సీనియర్ నాయకుడు, మాజీ మంత్రి, పీసీసీ మాజీ అధ్యక్షుడు పొన్నాల లక్ష్మయ్యకు రేవంత్ రెడ్డి, పీసీసీ పెద్దలు క్షమాపణలు చెప్పాలని నాగం జనార్ధన్ డిమాండ్ చేశారు. సీనియర్లను గౌరవించే తీరు ఇదేనా ? అని ప్రశ్నించారు.
