చౌటుప్పల్‌, వెలుగు : గుంతలు పూడ్చాలని ప్రజాప్రతినిధులు, ఆఫీసర్ల చుట్టూ తిరిగినా ఎవరూ స్పందించకపోవడంతో ఓ దివ్యాంగుడు తానే స్వయంగా నడుం బిగించాడు. తనకు వచ్చే పెన్షన్‌ పైసలతోనే గుంతలను పూడ్పించాడు. చౌటుప్పల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు చెందిన తోట సత్యనారాయణ 12వ వార్డు కంచరకుంట్లలో ఉంటున్నాడు. ఇటీవల పడిన వర్షాలకు రోడ్డు గుంతలమయంగా మారడంతో వాటిని పూడ్చివేయాలని మున్సిపల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఆఫీసర్లను కోరాఉ. ఎన్నిసార్లు తిరిగినా ఎవరూ పట్టించుకోకపోవడంతో తనకు వచ్చే పెన్షన్‌ డబ్బులతో శనివారం గుంతలను పూడ్పించాడు. దీంతో కాలనీవాసులు హర్షం వ్యక్తం చేశారు.
మాంసం వ్యాపారిని బెదిరించిన వ్యక్తుల అరెస్ట్‌
దేవరకొండ, వెలుగు : మాంసం వ్యాపారిని బెదిరించి రూ. 5 లక్షలు డిమాండ్‌ చేసిన ఆరుగురిని శనివారం నల్గొండ జిల్లా కొండమల్లేపల్లి పోలీసులు అరెస్ట్‌ చేశారు. కేసుకు సంబంధించిన వివరాలను డీఎస్పీ నాగేశ్వర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రావు వెల్లడించారు. హైదరాబాద్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు చెందిన మహ్మద్‌ అన్వర్‌ హుస్సేన్‌ మాంసం ఎక్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పోర్ట్‌ బిజినెస్‌ చేస్తుంటాడు. ఇందులో భాగంగా ఈ నెల 11న కంటెయినర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో పశుమాంసాన్ని లోడ్‌ చేసి మద్రాస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు తరలిస్తున్నాడు. విషయం తెలుసుకున్న గతంలో అతడితో పనిచేసి విడిపోయిన రజాక్‌ షేక్‌ మహారాష్ట్రకు చెందిన అలీ రజాక్‌ షేక్‌, రిషికల మల్లేశ్‌, ఆరీఫ్‌ పటేల్‌, ఆలం గులాం దస్తగిరి అన్సారి, మహ్మద్‌ ఖలీల్‌, హంజాలా ఖాసిం ఖాన్, నియాజ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఖాన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో కలిసి 12వ తేదీన కొండమల్లేపల్లి మండలం కేశ్యాతండా వద్ద కంటెయినర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను అడ్డగించారు. డ్రైవర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను చంపుతామని బెదిరించడంతో అతడు పారిపోయాడు. దీంతో కంటెయినర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను తీసుకొని జడ్చర్ల వెళ్లారు. అక్కడి నుంచి అన్వర్‌ హుస్సేన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు ఫోన్‌ చేసి రూ.5 లక్షలు ఇవ్వాలని డిమాండ్‌ చేశారు. దీంతో అతడు మూడు విడతలుగా రూ. 1.20 లక్షలు చెల్లించాడు. తర్వాత పోలీసులకు ఫిర్యాదు చేశాడు. అనంతరం కేశ్యా తండాకు వస్తే మిగిలిన డబ్బులు కూడా ఇస్తానని చెప్పడంతో శనివారం నిందితులు కారులో వచ్చారు. అక్కడే ఉన్న పోలీసులు నియాజ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఖాన్‌ మినహా మిగిలిన ఆరుగురిని అరెస్ట్‌ చేశారు. నిందితుల నుంచి కంటెయినర్‌, కారుతో పాటు రూ. 10 లక్షలు స్వాధీనం చేసుకున్నట్లు డీఎస్పీ చెప్పారు. నిందితులు గత నెలలో కూడా యజమానిని బెదిరించి రూ. 5 లక్షలు వసూలు చేసినట్లు చెప్పారు.
ప్రభుత్వ శాఖలను నిర్వీర్యం చేసింది టీఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఎస్సే...
నల్గొండ ఎంపీ ఉత్తమ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కుమార్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రెడ్డి
హుజూర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌నగర్‌, వెలుగు : అనర్హులకు కీలకమైన పదవులు ఇచ్చి ప్రభుత్వ శాఖలను నిర్వీర్యం చేశారని నల్గొండ ఎంపీ ఉత్తమ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కుమార్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రెడ్డి ఆరోపించారు. సూర్యాపేట జిల్లా హుజూర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌నగర్‌ పట్టణంలోని క్యాంప్‌ ఆఫీస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో శనివారం మీడియాతో మాట్లాడారు. పోలీసు శాఖలో 45 మంది డైరెక్ట్‌ ఐపీఎస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లకు పోస్టింగులు ఇవ్వకుండా, వారి స్థానంలో అనేక అభియోగాలు ఎదుర్కుంటున్న వారిని నియమిస్తున్నారన్నారు. పలుమార్లు సస్పెండ్‌ అయిన వారిని జిల్లా ఆఫీసర్లుగా నియమించుకొని టీఆర్ఎస్ లీడర్లు ఇసుక, మద్యం, గుట్కా, మట్టి, పేకాట, రేషన్‌ బియ్యం దందాలు కొనసాగిస్తున్నారన్నారు. తెలంగాణ జాతీయ సమైక్యత వేడుకల్లో సూర్యాపేట ఎస్పీ రాజేంద్రప్రసాద్ టీఆర్ఎస్ కార్యకర్తలా మంత్రిని, కేసీఆర్‌ పొగడడం సరికాదన్నారు. ఎస్పీపై చర్యలు తీసుకోవాలని డిమాండ్‌ చేశారు. తెలంగాణ విమోచన దినోత్సవంతో టీఆర్ఎస్, బీజేపీకి ఉన్న సంబంధం ఏమిటో చెప్పాలన్నారు. వచ్చే ఎన్నికల్లో టీఆర్ఎస్ ప్రభుత్వం ఓడిపోవడం, మునుగోడులో కాంగ్రెస్‌ క్యాండిడేట్‌ విజయం సాధించడం ఖాయమని ధీమా వ్యక్తం చేశారు. అంతకుముందు కాంగ్రెస్‌ భవనంలో జాతీయ జెండాను ఆవిష్కరించారు. కార్యక్రమంలో యరగాని నాగన్న, అరుణ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కుమార్‌ దేశ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ముఖ్‌, బాచిమంచి గిరిబాబు, తన్నీరు మల్లికార్జున్‌, సాముల శివారెడ్డి, కస్తాల శ్రవణ్‌ తదితరులు పాల్గొన్నారు.
సూర్యాపేట ఎస్పీని సస్పెండ్‌ చేయాలి
సూర్యాపేట, వెలుగు : సూర్యాపేట ఎస్పీ రాజేంద్రప్రసాద్ రాజకీయ పార్టీ నాయకుడిలా ప్రవర్తిస్తున్నారని డీసీసీ అధ్యక్షుడు చెవిటి వెంకన్నయాదవ్‌ విమర్శించారు. సూర్యాపేటలోని డీసీసీ ఆఫీస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో శనివారం నిర్వహించిన మీటింగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ఆయన మాట్లాడారు. బాధ్యత గల పోస్టులో ఎస్పీ మంత్రికి జై కొట్టడం దురదృష్టకరం అన్నారు. ఆయనను విధుల నుంచి తొలగించాలని డిమాండ్‌ చేశారు. సమావేశంలో కాంగ్రెస్‌ అధికార ప్రతినిధి చకిలం రాజేశ్వరరావు, పట్టణ అధ్యక్షుడు అమ్జద్‌ అలీ పాల్గొన్నారు. అలాగే సూర్యాపేట ఎస్పీ రాజేంద్రప్రసాద్ చేసిన వాఖ్యలను టీజేఎస్‌ నియోజకవర్గ ఇన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌చార్జి ధర్మార్జున్‌ శనివారం ఓ ప్రకటనలో ఖండించారు. సూర్యాపేట గంజాయికి అడ్డాగా మారుతున్నా పట్టించుకోని ఎస్పీ.. మంత్రికి జై కొట్టడం సరికాదన్నారు.
గోసం రక్షణకు చట్టం తేవాలి
మునుగోడు, వెలుగు : గోవుల రక్షణకు చట్టం తేవడంతో పాటు, జాతీయ ప్రాణిగా గుర్తించాలని యుగ తులసి పార్టీ వ్యవస్థాపకుడు కొలిశెట్టి శివకుమార్‌ డిమాండ్‌ చేశారు. నల్గొండ జిల్లా మునుగోడులో శనివారం మీడియాతో మాట్లాడారు. తెలంగాణలో కబేళాలను మూసివేయాలని డిమాండ్‌ చేశారు. గోహత్యలపై సీఎం కేసీఆర్‌ పట్టించుకోకపోవడం దారుణం అన్నారు. మునుగోడు ఉప ఎన్నికల్లో తమ పార్టీని గెలిపించాలని కోరారు. మూగజీవాలు రోజురోజుకు అంతరించిపోతున్నాయని, ఇలాగే కొనసాగితే భవిష్యత్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ముప్పు తప్పదన్నారు. లీడర్లు సంగమేశ్వరాచారి, సాయి చందన్‌, ధనరాజ్, పులకరం నరసింహ, యాదయ్య, వీర రాఘవరెడ్డి పాల్గొన్నారు.
కల్లుగీత కార్మిక సభను సక్సెస్‌ చేయాలి
చండూరు (మర్రిగూడ), వెలుగు : నల్గొండ జిల్లా చండూరులో ఈ నెల 26న నిర్వహించే కల్లుగీత కార్మిక సంఘం జిల్లా మహాసభలను సక్సెస్‌ చేయాలని ఆ సంఘం జిల్లా అధ్యక్షుడు కొండ వెంకన్న పిలుపునిచ్చారు. మర్రిగూడ మండలం లెంకలపల్లిలో శనివారం జరిగిన మీటింగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో వాల్‌ పోస్టర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను ఆవిష్కరించారు. ఈ సందర్భంగా ఆయన మాట్లాడుతూ కల్లు గీత కార్పొరేషన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు రూ. 5 వేల కోట్లు కేటాయించాలని, కార్మికులకు ఎక్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గ్రేషియా చెల్లించాలని డిమాండ్‌ చేశారు. ప్రతీ సొసైటీకి ఐదు ఎకరాల భూమి, అర్హులైన వారికి గుర్తింపుకార్డులు అందజేయాలన్నారు. సమావేశంలో ఉప్పల గోపాల్‌, జెర్రిపోతుల ధనుంజయగౌడ్, చెనగోని కిరణ్, కొత్తపల్లి వెంకన్న, అయితగోని పాపయ్య పాల్గొన్నారు.
రోడ్డును బాగు చేయాలని భిక్షాటన
సంస్థాన్‌ నారాయణపురం, వెలుగు : గుంతలమయంగా మారిన యాదాద్రి జిల్లా నారాయణపురం నుంచి జనగాం, వావిళ్లపల్లి, లచ్చమ్మగూడెం రోడ్డుకు రిపేర్లు చేయకపోవడాన్ని నిరసిస్తూ టీడీపీ రాష్ట్ర ప్రధాన కార్యదర్శి జక్కిలి ఐలయ్య ఆధ్వర్యంలో శనివారం నారాయణపురంలో భిక్షాటన చేపట్టారు. ఈ సందర్భంగా ఆయన మాట్లాడుతూ రోడ్లు గుంతలమయంగా మారినా ప్రజలు ఇబ్బందులు పడుతున్నా ప్రభుత్వం పట్టించుకోవడం లేదన్నారు. ఎన్నికలకు అయ్యే ఖర్చులో 10 శాతం నిధులు కేటాయించినా రోడ్లు బాగుపడతాయన్నారు. ఇప్పటికైనా ప్రభుత్వం స్పందించి రోడ్లను బాగు చేయాలని డిమాండ్‌ చేశారు. కార్యక్రమంలో పార్లమెంటరీ పార్టీ ప్రధాన కార్యదర్శి కుక్కల నరసింహ, మండల అధ్యక్షుడు ఏర్పుల సుదర్శన్, నాయకులు వావిళ్ల రేణుక సత్తయ్య, బద్దుల యాదగిరి, దుబ్బాక స్వామి, సైదులు, వీరమళ్ల జంగయ్య పాల్గొన్నారు.
మహిళ మృతదేహంతో హాస్పిటల్‌ ఎదుట ధర్నా
నల్గొండ అర్బన్‌, వెలుగు : మహిళ మృతికి కారణమైన వారిపై చర్యలు తీసుకోవాలని ఐద్వా జిల్లా ప్రధాన కార్యదర్శి పాలడుగు ప్రభావతి, తెలంగాణ విద్యావంతుల వేదిక జిల్లా అధ్యక్షుడు పందుల సైదులు డిమాండ్‌ చేశారు. ఈ మేరకు శనివారం మహిళ బంధువులు, కేవీపీఎస్‌, ఎమ్మార్పీఎస్‌ ఆధ్వర్యంలో నల్గొండ జిల్లా హాస్పిటల్‌ ఎదుట ధర్నా నిర్వహించారు. వివరాల్లోకి వెళ్తే... నల్గొండ జిల్లా కట్టంగూరు మండలం చెర్వుఅన్నారానికి చెందిన శిరస్సు అఖిల (21) డెలివరీ కోసం వారం క్రితం నల్గొండ హాస్పిటల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో అడ్మిట్‌ అయింది. ఈ నెల 11న పెయిన్స్‌ రావడంతో నార్మల్‌ డెలివరీ చేసేందుకు ప్రయత్నించారు. డెలివరీ అనంతరం బ్లీడింగ్‌ ఎక్కువ కావడంతో ఐసీయూలో ఉంచారు. రెండు రోజుల తర్వాత హైదరాబాద్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోని గాంధీ హాస్పిటల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు రెఫర్‌ చేశారు. అక్కడ ట్రీట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మెంట్‌ తీసుకుంటూ శుక్రవారం అర్థరాత్రి చనిపోయింది. దీంతో నల్గొండ డాక్టర్ల నిర్లక్ష్యం కారణంగానే అఖిల చనిపోయిందంటూ నాయకులు ఆందోళనకు దిగారు. మృతురాలి ఫ్యామిలీకి రూ.20 లక్షల ఎక్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గ్రేషియా చెల్లించాలని, భర్తకు ప్రభుత్వ ఉద్యోగం ఇవ్వడంతో పాటు, శిశువు బాధ్యతను ప్రభుత్వమే చూసుకోవాలని డిమాండ్‌ చేశారు. అనంతరం ఆందోళన విరమించారు. ధర్నాలో ఎంఎస్పీ నియోజకవర్గ ఇన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌చార్జి బకరం శ్రీనివాస్‌, ఎరుకల సంఘం జిల్లా అధ్యక్షుడు మానుపాటి భిక్షమయ్య పాల్గొన్నారు.
కొనసాగుతున్న నీటి విడుదల
హాలియా/మేళ్లచెరువు, వెలుగు : నాగార్జునసాగర్‌, సూర్యాపేట జిల్లా పులిచింతల ప్రాజెక్ట్‌ నుంచి నీటి విడుదల కొనసాగుతోంది. సాగర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు ఎగువ నుంచి 3,08,047 క్యూసెక్కుల వరద వస్తుండడంతో 18 గేట్లను 10 ఫీట్ల మేర ఎత్తి 2,65,230 క్యూసెక్కుల నీటిని విడుదల చేస్తున్నారు. సాగర్ నుంచి కుడికాల్వకు 9,567 క్యూసెక్కులు, వరదకాల్వకు 400, మెయిన్‌ పవర్‌ హౌజ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు 30,804 క్యూసెక్కుల నీటిని వదులుతున్నారు. అలాగే పులిచింతలకు 2.83 లక్షల క్యూసెక్కుల నీరు వస్తుండడంతో 12 గేట్ల ద్వారా నీటిని విడుదల చేస్తున్నారు.
ప్రజా సమస్యల పరిష్కారం కోసమే పాదయాత్ర
యాదగిరిగుట్ట, వెలుగు : ప్రజా సమస్యల పరిష్కారం కోసమే పాదయాత్ర చేస్తున్నట్లు కాంగ్రెస్‌ ఆలేరు నియోజకవర్గ ఇన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌చార్జి బీర్ల అయిలయ్య తెలిపారు. యాదాద్రి జిల్లా యాదగిరిగుట్టలో శనివారం మీడియాతో మాట్లాడారు. ఆదివారం నుంచి యాదగిరిగుట్ట మండలంలో మూడు రోజుల పాటు పాదయాత్ర నిర్వహించనున్నట్లు ప్రకటించారు. మహబూబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పేటలో స్టార్ట్‌ కానున్న యాత్ర మర్రిగూడెం, చొల్లేరు, చిన్నకందుకూరు, పెద్దకందుకూరు, వంగపల్లి, రామాజీపేట వరకు సాగుతుందన్నారు. ఎమ్మెల్యే గొంగిడి సునీత ధనార్జనే ధ్యేయంగా పనిచేస్తున్నారని, ప్రజా సమస్యలను పట్టించుకోవడం లేదని ఆరోపించారు. కేంద్ర, రాష్ట్ర ప్రభుత్వాల లోపాయికారి ఒప్పందాన్ని ప్రజలకు వివరిస్తామన్నారు. ఎంపీపీ చీర శ్రీశైలం, మండల అధ్యక్షుడు కానుగు బాలరాజుగౌడ్‌, పట్టణ అధ్యక్షుడు గుండ్లపల్లి భరత్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గౌడ్‌, మండల వర్కింగ్‌ ప్రెసిడెంట్‌ యేమాల ఏలేంధర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రెడ్డి, నియోజకవర్గ మహిళా అధ్యక్షురాలు గుడ్ల వరలక్ష్మి, మండల అధ్యక్షురాలు గుండు జ్యోతి, సర్పంచ్ బీర్ల శంకర్ పాల్గొన్నారు.
కాంగ్రెస్‌ హయాంలోనే తెలంగాణ అభివృద్ధి
చండూరు, వెలుగు : కాంగ్రెస్‌ హయాంలోనే తెలంగాణ అభివృద్ధి చెందిందని, టీఆర్ఎస్ గెలిచాక చేసిందేమీ లేదని మునుగోడు కాంగ్రెస్‌ క్యాండిడేట్‌ పాల్వాయి స్రవంతి చెప్పారు. నల్గొండ జిల్లా చండూరు మండలం తుమ్మలపల్లిలో శనివారం ఇంటింటి ప్రచారం నిర్వహించారు. అనంతరం స్థానిక చౌరస్తాలో నిర్వహించిన మీటింగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ఆమె మాట్లాడారు. కోమటిరెడ్డి రాజగోపాల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రెడ్డి కాంట్రాక్టుల కోసమే బీజేపీలో చేరారని ఆరోపించారు. తెలంగాణ ఇచ్చిన సోనియాగాంధీని ప్రజలు ఎన్నటికీ మర్చిపోయారన్నారు. తనను గెలిపిస్తే నియోజకవర్గ అభివృద్ధికి కృషి చేస్తానని హామీ ఇచ్చారు. అంతకుముందు రామలింగేశ్వరస్వామి ఆలయంలో ప్రత్యేక పూజలు నిర్వహించారు. కార్యక్రమంలో మంచుకొండ సంజయ్, పన్నాల లింగయ్య, బుర్కల భిక్షం, పన్నాల శ్యాం పాల్గొన్నారు.
