ఐకాన్‌ స్టార్ అల్లు అర్జున్(Allu arjun)కు ఉత్తమ నటుడిగా జాతీయ అవార్డు(National award) అందుకున్న విషయం తెలిసిందే. ఇటీవల జరిగిన 69వ జాతీయ అవార్డ్స్(69th National awards) లో పుష్ప సినిమాకు గాను ఆయన ఈ అవార్డు సొంతం చేసుకున్నాడు. లేటెస్ట్ గా అల్లు అర్జున్ పుష్ప-2 మూవీ ఎలా వుండబోతుందనే విషయాలను షేర్ చేసుకున్నారు.
పుష్ప-2 కోసం ఎన్నో మారుమూల ప్రాంతాలలోకి వెళ్లి..అక్కడ ఉండే ప్రజల స్థితి గతులను తెలుసుకుని..ఎంతో ప్రామాణికమైన విలువలతో పుష్ప-2 స్టోరీని రెడీ చేశారు డైరెక్టర్ సుకుమార్(Sukumar). ఇందుకోసం చాలా రీసెర్చ్ చేశాం.మన లోకల్ స్టోరీని..గ్లోబల్ స్టోరీగా తీసుకురావడానికి అహర్నిశలు పుష్ప టీం వర్క్ చేస్తుంది. ఇక పుష్ప-2 మూవీ వరల్డ్ లెవెల్లో తగ్గేదేలే అన్నట్టు ఉంటుందని..అల్లు అర్జున్ పేర్కోన్నారు.అలాగే ఈ మూవీలో భారీ ట్విస్టులతో కూడిన కంటెంట్ ను రెడీ చేసినట్టు తెలిపారు.అలాగే అల్లు అర్జున్ నేషనల్ అవార్డు అందుకోవడంతో పుష్ప-2 మూవీపై భారీ అంచనాలు పెరిగిపోయాయి.
ఇక పుష్ప-2 మూవీలో ఇంటర్నేషనల్ స్మగ్లర్ గా ఎదిగిన పుష్ప రాజ్ ను ఢీ కొట్టడం కోసం భన్వర్ సింగ్ షెకావత్ ఎంతకైనా తెగించే పోలీస్ పాత్రలో నటిస్తున్నారు. సుకుమార్ క్లైమాక్స్ ను మరింత ఆసక్తికరంగా ప్లాన్ చేసినట్లుగా టాక్. అలాగే పుష్ప 2 ది రూల్ లోని కీలకపాత్రలతో పాటు..కొత్త పాత్రలు కూడా పరిచయం కానున్నట్లు తెలుస్తోంది.
పుష్ప పార్ట్ 1 లో బ‌న్నీ స్టైల్‌, మేన‌రిజ‌మ్, సాంగ్స్‌, డాన్సులు అన్నీ తెగ పాపుల‌ర్ అయిన సంగ‌తి తెలిసిందే. దీంతో పాన్ ఇండియా రేంజ్‌లో ఆడియెన్స్ అంద‌రూ పుష్ప 2 ది రూల్ సినిమా కోసం ఆస‌క్తిగా ఎదురు చూడ‌సాగారు.ఈ చిత్రానికి దేవి శ్రీ ప్రసాద్ మ్యూజిక్ అందిస్తుండగా..మైత్రీ మూవీ మేకర్స్ నిర్మిస్తుంది.
