ఆదిపురుష్(Adipurush) సినిమాపై నేపాల్(Nepal) ప్రభుత్వం కీలక నిర్ణయం తీసుకుంది. జూన్ 19 నుండి ఆదిపురుష్‌తో పాటు భారత్ నుండి రిలీజయ్యే ఏ సినిమా కూడా నేపాల్ లో ప్రదర్శించబడదని సోషల్ మీడియా వేదికగా ప్రకటించింది. అంతేకాదు ప్రస్తుతం నేపాల్లో రన్ అవుతున్న.. బాలీవుడ్ సినిమాలను థియేటర్ల నుంచి తొలగించి.. వాటి స్థానంలో హాలీవుడ్ సినిమాలను, నేపాలీ సినిమాలను ప్రదర్శించాలని ఆదేశాలు జారీ చేసింది.
ఇక ప్రభాస్‌ రాముడిగా నటించిన ‘ఆదిపురుష్ సినిమాపై కేవలం భారత్ లోనే కాదు నేపాల్ లో కూడా వివాదం చెలరేగింది. సీతాదేవి నేపాల్లో జన్మిస్తే.. 'ఆదిపురుష్'లో మాత్రం భారత్‌లో పుట్టినట్టు చూపించారని మేకర్స్‌పై నేపాల్ నేతలు మండిపడుతున్నారు. ఆ సన్నివేశాన్ని తొలగించమని మేకర్స్ కు మూడురోజులు గడువు ఇచ్చినా ఇప్పటికీ తొలగించలేదని ఫైర్‌ అవుతున్నారు. దీంతో తాజాగా ఈ కీలక నిర్ణయం తీసుకుంది నేపాల్ ప్రభుత్వం.
