హైదరాబాద్, వెలుగు: నిఫ్ట్ కాన్వొకేషన్ సెర్మనీ వేడుకలు అట్టహాసంగా జరిగాయి. శుక్రవారం శిల్పాకళా వేదికలో నేషనల్ ఇనిస్టిట్యూట్ ఆఫ్ ఫ్యాషన్ టెక్నాలజీ కాన్వొకేషన్ సెలబ్రేషన్స్ జరిగాయి. ఈ కార్యక్రమంలో గ్రాడ్యుయేషన్ పూర్తి చేసుకున్న విద్యార్థులకు సర్టిఫికెట్లు, మెడల్స్ ని అందజేశారు. ది బెస్ట్ అకాడమిక్ అవార్డ్ పేరుతో ఫ్యాషన్ డిజైన్, టెక్స్ టైల్ డిజైన్, ఫ్యాషన్ కమ్యూనికేషన్, యాక్సెసరీ డిజైన్, కిడ్ వేర్ డిజైన్, ఫ్యాషన్ టెక్నాలజీ, మాస్టర్
ఇన్ ఫ్యాషన్ మేనేజ్మెంట్ రంగాలలో ప్రతిభ కనబర్చిన స్టూడెంట్ కి అవార్డులు ప్రదానం చేశారు. ముఖ్య అతిథులుగా ఎడ్యుకేషన్ డిపార్ట్మెంట్ డా. బి. జనార్దన్ రెడ్డి, వెల్పన్ ఫ్లూరింగ్ లిమిటెడ్, గ్లోబల్ డిజైన్ హెడ్ రితమ్ రాయ్ పాల్గొన్నారు. ఈ సందర్భంగా డా. బి. జనార్ధన్ రెడ్డి మాట్లాడుతూ చిన్నప్పుడు మెడికల్, ఇంజనీరింగ్ చదవకపోతే లైఫ్ లేదు అనేట్టుగా మాట్లాడేవారని, విద్యార్థులు అలా ఆలోచించకుండా ఫ్యాషన్ రంగాన్ని ఎంచుకోవడం అభినందనీయమని అన్నారు. స్టూడెంట్స్ ఫ్యాషన్ ఇండస్ట్రీ ని పాషన్ గా మలుచుకుంటున్నారని తెలిపారు. ఈ సందర్భంగా విద్యార్థులకు సర్టిఫికెట్లను, మెడల్స్ ని అందించారు.
