హార్ట్ సర్జరీలో నిమ్స్ అద్భుతం..అబ్నార్మల్ హార్ట్ బీట్ సమస్యకు డీ మ్యాపింగ్తో సర్జరీ

• లక్షల్లో ఖర్చయ్యే ఆపరేషన్  ఆరోగ్యశ్రీ  కింద ఫ్రీగా ..
•  క్లిష్టమైన సర్జరీ చేసి డెయిలీ లేబర్​కు ప్రాణాలు పోసిన డాక్టర్లు 

పంజాగుట్ట, వెలుగు : నిమ్స్​దవాఖాన కార్డియాలజిస్టులు అరుదైన గుండె సర్జరీ విజయవంతంగా నిర్వహించి శభాష్​అనిపించుకున్నారు. అరుదైన సమస్యతో బాధపడుతున్న ఓ హార్ట్​పేషెంట్​కు త్రీడీ ఎలక్ట్రో అనాటమికల్ మ్యాపింగ్ టెక్నాలజీతో సర్జరీ చేశారు. ఈ ఆపరేషన్​ను ఆరోగ్యశ్రీ కింద నిర్వహించి 30 ఏళ్ల డెయిలీ లేబర్​కు ప్రాణాలు పోశారు. 

మారుమూల ప్రాంతంలో డెయిలీ లేబర్​..

మన రాష్ట్రంలోని ఓ మారుమూల ప్రాంతానికి చెందిన డెయిలీ లేబర్​ రెండేండ్ల కింద పని చేస్తున్నప్పుడు తీవ్రమైన ఆయాసంతో ఛాతీ నొప్పి వచ్చింది. దీంతో అప్పు చేసి ఓ కార్పొరేట్ దవాఖానకు వెళ్లాడు. అక్కడ పరీక్షలు చేయగా వెంట్రిక్యులర్​ప్రీమెచ్యూర్​కాంప్లెక్సెస్​ సమస్యతో బాధపడుతున్నట్టు తేలింది. డబ్బులు లేక ట్రీట్​మెంట్​చేయించుకోకపోవడంతో గుండె పంపింగ్ తగ్గిపోయింది. ఒక హాస్పిటల్​లో 24 గంటల హోల్టర్ మానిటరింగ్ టెస్ట్​చేయగా 57 శాతం అబ్​నార్మల్​హార్ట్​బీట్​ఉన్నట్టు తేలింది. ప్రైవేట్​లో వైద్యం చేయించుకోలేక, ప్రాణాలు పోయే స్థితిలో అతడు నిమ్స్ ను ఆశ్రయించాడు. 

సవాలును స్వీకరించిన డాక్టర్లు 

సర్జరీ అత్యంత సవాలుతో కూడుకున్నప్పటికీ కార్డియాలజీ విభాగం సీనియర్ ప్రొఫెసర్ డాక్టర్ ఓ సాయి సతీష్ నేతృత్వంలోని డాక్టర్ల టీమ్​సిద్ధమైంది. గత నెల ఆగస్టు 24న ప్రొసీజర్​స్టార్ట్​చేశారు. త్రీడీ మ్యాపింగ్ ద్వారా పరీక్షించగా అబ్​నార్మల్​హార్ట్​బీట్​కు కారణమైన కేంద్ర స్థానం అయోర్టిక్ వాల్వ్ లోపల, లెఫ్ట్​కరోనరీ ఆర్టరీ దగ్గర ఉందని గుర్తించారు. ఈ ప్లేస్​లో రేడియోఫ్రీక్వెన్సీ అబ్లేషన్ (కాల్చడం) చేయడం ప్రమాదకరం. చిన్నపొరపాటు జరిగినా ఎయోర్టాకు (ప్రధాన రక్తధమని) గాయమై ప్రాణాలకే ముప్పు వాటిల్లే అవకాశం ఉంటుంది. అయితే డాక్టర్లు కరోనరీ యాంజియోగ్రఫీలో అన్ని జాగ్రత్తలు తీసుకుంటూ, రేడియోఫ్రీక్వెన్సీ పవర్​ను ఒక్కసారి కాకుండా క్రమక్రమంగా పెంచుతూ ఎయోర్టాకు హాని కలగకుండా సమస్య ఏర్పడిన ప్రాంతంలో ఆబ్లేషన్​నిర్వహించారు. 

నార్మల్​గా హార్ట్​ బీట్​

కోత లేని సర్జరీ తర్వాత క్రమక్రమంగా కోలుకున్న యువకుడు ప్రస్తుతం పూర్తి ఆరోగ్యంగా ఉన్నాడు. ఆపరేషన్ తర్వాత ఈసీజీ, హోల్టర్ పరీక్షలు చేయగా ఇప్పుడు అతడి హార్ట్​బీట్​పూర్తి సాధారణ స్థితికి చేరుకుంది. ఈ ఆపరేషన్‌‌‌‌లో డాక్టర్ సాయి సతీష్‌‌‌‌తో పాటు అసిస్టెంట్ ప్రొఫెసర్లు డాక్టర్ హేమంత్, డాక్టర్ నియుషా, సీనియర్ రెసిడెంట్లు డాక్టర్ జగదీష్, డాక్టర్ సాయి హరి పాల్గొన్నారు.