- రూల్స్ బ్రేక్ చేస్తున్న ఆర్టీఏ ఆఫీసర్లు
- ఫిట్నెస్కు వచ్చినప్పుడు చేస్తామన్న జేటీసీ
హైదరాబాద్సిటీ, వెలుగు:గ్రేటర్ పరిధిలో ఆర్టీఏ అధికారులు ఆటో పర్మిట్లు ఇవ్వడం, రిజిస్ట్రేషన్లు చేస్తున్న తీరుపై పెద్దయెత్తున విమర్శలు వస్తున్నాయి. కొంతకాలం కింద ఔటర్పరిధిలో కొత్తగా 45 వేల ఆటో పర్మిట్లు ఇవ్వాలని ప్రభుత్వం నిర్ణయించగా, అమ్మకాలు మొదలై రిజిస్ట్రేషన్ల ప్రక్రియ కూడా కొనసాగుతోంది.
అయితే, రిజిస్ట్రేషన్లు, పర్మిట్ల జారీ విషయంలో అధికారులు రూల్స్పాటించడం లేదన్న ఆరోపణలు వస్తున్నాయి. మీటర్లు లేని ఆటోలకు పర్మిట్లు ఇవ్వొద్దని ఉమ్మడి రాష్ట్రంలోనే 2006 ,అక్టోబరు 31న జీవో 213 జారీ చేశారు. తెలంగాణ మోటార్ వెహికల్ యాక్ట్ -89 కూడా ఇదే విషయాన్ని స్పష్టం చేస్తోంది.
ఈ నిబంధనల ప్రకారం కొత్త ఆటోలను రిజిస్ట్రేషన్ చేయాలన్నా, పర్మిట్లు జారీ చేయాలన్నా ఆటోలకు తప్పని సరిగా మీటర్ అమర్చబడి ఉండాలి. అయినా ఈ రూల్స్ను తుంగలో తొక్కి మీటర్లు లేని ఆటోలను ఆర్టీఏ అధికారులు రిజిస్ట్రేషన్ చేస్తున్నారన్న ఆరోపణలు ఉన్నాయి.
పర్మిట్లు ఇలా ఇవ్వాలి
10 వేల సీఎన్జీ, మరో 10 వేల ఎల్పీజీ ఆటోలతో పాటు 25వేల ఎలక్ట్రిక్ఆటోలను ఓఆర్ఆర్పరిధిలో నడుపుకునేందుకు ప్రభుత్వం అనుమతించింది. ఈ ఆటోలు రోడ్లపైకి రావాలంటే తెలంగాణ మోటార్వెహికల్యాక్ట్-89 ప్రకారం ముందుగా ఆటోలను అమ్మేప్పుడే తయారీ సంస్థలు మీటర్లను బిగించి ఇవ్వాలి. తర్వాత ఆర్టీఏ వద్ద రిజిస్ట్రేషన్ చేసుకుంటే నంబర్ఇస్తారు. తర్వాత తూనికలు కొలతల శాఖ అధికారుల నుంచి మీటర్ స్టాంపింగ్ చేయించుకోవాలి. తర్వాత ఆటోను మళ్లీ ఆర్టీఏ ఆఫీసర్ల వద్దకు తీసుకువెళ్తే ఫిట్నెస్ పరిశీలించి రెండు నుంచి ఐదేండ్ల వరకు పర్మిట్లను జారీ చేస్తారు.
జరుగుతోంది ఇది..
ప్రస్తుతం జరుగుతున్న తంతులో రూల్స్ను ఎవరూ పాటించడం లేదు. ఆటోలను అమ్ముతున్న సంస్థలు ఆటోలకు మీటర్లు బిగించి ఇవ్వడం లేదు. మీటర్లు లేకుండా వెళ్లినా ఆర్టీఏ అధికారులు కావాల్సినంత ఫీజు తీసుకుని రిజిస్ట్రేషన్చేస్తున్నారన్న విమర్శలున్నాయి. త్వరలోనే ఈ ఆటోలకు పర్మిట్లను కూడా ఇవ్వడానికి అధికారులు సిద్ధమవుతున్నట్టు తెలిసింది.
రూల్స్ ఎందుకు పాటిస్తలేరు సారూ..
రూల్స్ఎందుకు పాటించడం లేదో అధికారులు చెప్పడం లేదని భారతీయ ప్రైవేట్ట్రాన్స్పోర్ట్మజ్జూర్మహా సంఘ్ఆల్ఇండియా ప్రధాన కార్యదర్శి రవిశంకర్ అల్లూరి అంటున్నారు. వచ్చిన ఆటోలకు మీటర్ ఉందా? లేదా? అన్న విషయాన్ని పరిశీలించకుండానే రిజిస్ట్రేషన్ చేస్తున్నారని, రిజిస్ట్రేషన్ చేశాక పర్మిట్లను కూడా ఇస్తున్నారని చెప్తున్నారు. ఆటోలను అమ్మే టైంలో ఆయా కంపెనీలు మీటర్ తో కలిపే బిల్లు వసూలు చేస్తున్నాయని, మీటర్లు ఎందుకు ఇవ్వడం లేదని ప్రశ్నిస్తున్నారు.
