జిలేబీ, సమోసాల గురించి వార్త ఒకటి ఇటు మీడియాలో, అటు సోషల్ మీడియాలో ఫుల్ వైరల్ అయింది. ఇవి అమ్మే స్టాల్స్ దగ్గర హెల్త్ వార్నింగ్ బోర్డులను ఏర్పాటు చేయాలని కేంద్రం డిసైడ్ అయిందనేది ఆ ప్రచారం సారాంశం. సిగరెట్ ప్యాకెట్లు, గుట్కా ప్యాకెట్లపై ఉన్నట్టుగా హెల్త్ వార్నింగ్ మెసేజ్లు ఇకపై ఈ స్నాక్స్ అమ్మే దగ్గర కూడా పోస్టర్లు, బోర్డుల రూపంలో పెట్టాలని కేంద్ర ప్రభుత్వం నిర్ణయించిందనే ప్రచారం జోరుగా జరిగింది. అయితే ఈ ప్రచారంలో ఏమాత్రం నిజం లేదని.. ఇదంతా ప్రజలను పూర్తిగా తప్పుదోవ పట్టించే ప్రచారం అని.. PIBFactCheck తేల్చేసింది. ఈ ప్రచారం ఫేక్ అని పీఐబీ ఫ్యాక్ట్ చెక్ ‘ఎక్స్’ ఖాతాలో ట్వీట్ చేసింది.
Some media reports claim that the @MoHFW_INDIA has issued a health warning on food products such as samosas, jalebi, and laddoo.#PIBFactCheck
— PIB Fact Check (@PIBFactCheck) July 15, 2025
✅This claim is #fake
✅The advisory of the Union Health Ministry does not carry any warning labels on food products sold by vendors,… pic.twitter.com/brZBGeAgzs
కేంద్ర ప్రభుత్వం అడ్వైజరీ జారీ చేసిన మాట వాస్తవమేనని.. అయితే ఆ అడ్వైజరీలో ఇండియాలో అమ్మే స్నాక్స్పై హెల్త్ వార్నింగ్ లేబుల్స్ ఉంటాయనే ప్రస్తావనే లేదని PIBFactCheck స్పష్టం చేసింది. ఆరోగ్యకరమైన ఆహారపు అలవాట్లు, ఆరోగ్యకరమైన జీవన విధానానికి సంబంధించిన సలహాలను మాత్రమే ఆ అడ్వైజరీలో గవర్నమెంట్ ఆఫ్ ఇండియా ప్రస్తావించిందని తెలిపింది. అధిక మోతాదులో ఆయిల్ ఉండే ఫుడ్ తీసుకోవడం, ఎక్కువ చక్కెర ఉండే ఫుడ్ తీసుకోవడం తగ్గించాలని మాత్రమే ఆ అడ్వైజరీలో ఉందని కేంద్రం స్పష్టం చేసింది. అంతేతప్ప.. సమోసాలు, జిలేబీలను నిషేధించడం గానీ.. ఇండియన్ స్ట్రీట్ ఫుడ్ కల్చర్ను టార్గెట్ చేయడం గానీ జరగలేదని PIB Fact Checkలో తేలింది.
✅The general advisory is a behavioural nudge to make people aware of hidden fats and excess sugar in all food products, and not specifically to any particular food product.
— PIB Fact Check (@PIBFactCheck) July 15, 2025
The advisory is for healthier options and initiatives at workplaces and urges people to make healthier… pic.twitter.com/gD3f2XOeTF
భారత్లో ఊబకాయం, మధుమేహం, అధిక రక్తపోటు, గుండెపోట్లు రోజురోజుకూ పెరుగుతున్న పరిస్థితుల్లో ఆహారపు అలవాట్లపై ప్రజలు శ్రద్ధ వహించాలని తెలిపే ఉద్దేశంతో కేంద్రం ఈ సూచనలతో కూడిన అడ్వైజరీని విడుదల చేసింది. మితమైన ఆహారం తీసుకోవడం, రుచి కోసం వెంపర్లాడకుండా ఆరోగ్యకరమైన ఆహారం తీసుకోవడం.. వంటి లక్షణాలకు ప్రజలను మరింతగా అలవాటు చేయాలని కేంద్ర ప్రభుత్వం భావిస్తోంది.
