హైదరాబాద్, వెలుగు : ఎన్నికల కోడ్ నేపథ్యంలో తనిఖీలు చేసే స్టాస్టిక్ సర్వేలెన్స్ టీమ్స్ (ఎస్ఎస్టీ) జనాలతో మర్యాదగా వ్యవహరించాలని ఎంసీసీ నోడల్ ఆఫీసర్, బల్దియా ఈవీడీఎం డైరెక్టర్ ప్రకాశ్ రెడ్డి సూచించారు. సోమవారం జీహెచ్ఎంసీ హెడ్డాఫీసులో ఎస్ ఎస్టీలకు ట్రైనింగ్ ప్రోగ్రామ్ నిర్వహించారు. ఈ సందర్భంగా ప్రకాశ్ రెడ్డి మాట్లాడుతూ.. నవంబర్ 3న సంబంధిత నియోజకవర్గాల్లో ఎస్ఎస్టీలు తమ విధులను నిర్వహించాలని తెలిపారు. ఈ టీమ్స్ విధులకు హాజరైన సమయంలో వీడియోగ్రఫీ ద్వారా తమ పేరు, లొకేషన్ నమోదు చేయాలన్నారు.
తనిఖీలకు సంబంధించిన ఫొటోలు, వీడియోలు పంపించాలన్నారు. ఎస్ఎస్టీల వాహనాలకు జీపీఎస్, సీసీ కెమెరాలు అమర్చామన్నారు. ఎలక్షన్ సంబంధిత క్యాష్, బంగారం, లిక్కర్ను సీజ్ చేసి ఎస్హెచ్వో ద్వారా రిటర్నింగ్ అధికారికి సమర్పించాలన్నారు. హైదరాబాద్ డిస్ట్రిక్ట్ గ్రీవెన్ సెల్ ద్వారా సీజ్ చేసిన క్యాష్ను తగిన డాక్యుమెంట్లు తీసుకొస్తే పరిశీలించి రిలీజ్ చేస్తామన్నారు.
రూ. 10 లక్షల కంటే ఎక్కువ క్యాష్ పట్టుబడితే ఐటీ అధికారులకు రెఫర్ చేయాలని తెలిపారు. ఓటర్లను మభ్యపెట్టేందుకు ఉచితంగా అందజేసే సామగ్రిపై నిఘా ఉంచాలన్నారు. కార్యక్రమంలో నోడల్ ఆఫీసర్ అకౌంట్ శరత్ చంద్ర పాల్గొన్నారు.