అమెరికన్ మ్యాగజైన్ కోసం బాలీవుడ్ స్టార్ హీరో రణ్ వీర్ సింగ్ చేసిన న్యూడ్ ఫొటో షూట్ వివాదం ఇప్పట్లో తేలేలా లేదు. అయితే తాను షేర్ చేసిన 7 ఫొటోల్లో ఒక ఫొటో మాత్రం లేదని రణ్ వీర్ చెప్పుకొచ్చాడు. ఆ ఫొటోను ఎవరో మార్ఫింగ్ చేశారని ఆరోపించారు. గత కొన్ని రోజుల క్రితం ముంబయిలోని చెంబూర్ లో రణ్ వీర్ కు వ్యతిరేకంగా తమ మనోభావాలు దెబ్బతీసేలా ఫొటోషూట్ ఉందని ఆరోపిస్తూ కొందరు మహిళలు ఎఫ్ఐఆర్ నమోదు చేశారు. ఈ కేసులో ముంబయి పోలీసులకు రణ్ వీర్ వాంగ్మూలం కూడా సమర్పించాడు.
Nude photoshoot case: "Someone tampered, morphed my photo," Ranveer Singh tells Mumbai Police
— ANI Digital (@ani_digital) September 15, 2022
Read @ANI Story | https://t.co/nbnYw8EldK#RanveerSingh #mumbaipolice #NudePhotoshoot pic.twitter.com/Y8EZ2vYe2M
తన ఫొటోను ఎవరో మార్ఫింగ్ చేశాడని పోలీసులకు తెలిపారు. ఆగస్టు 29న రణ్ వీర్ పై నమోదైన కేసు నేపథ్యంలో ఆయన్ని పోలీసులు ఇటీవలే విచారణకు పిలిచారు. అయితే తాను ఇన్ స్టాగ్రామ్ లో షేర్ చేసిన 7 ఫొటోలలో ఒక ఫొటో మాత్రం లేదని రణ్ వీర్ పోలీసులకు వెల్లడించాడు. ఈ సందర్భంగా తాను సోషల్ మీడియాలో షేర్ చేసిన ఫొటోలను పోలీసులకు అందించాడు.
