బషీర్బాగ్, వెలుగు : ఓసీల డిమాండ్ల సాధనకు ఈ నెల 23న ఢిల్లీలోని జంతర్ మంతర్ వద్ద తలపెట్టిన “జాతీయ స్థాయి ఓసీల మహా ధర్నా”కు 5 ప్రత్యేక రైళ్లు ఏర్పాటు చేసినట్లు ఓసీ సామాజిక సంక్షేమ సంఘాల సమాఖ్య జాతీయ అధ్యక్షుడు పోలాడి రామారావు తెలిపారు. శుక్రవారం బషీర్ బాగ్ ప్రెస్ క్లబ్ లో ఆయన మాట్లాడుతూ.. అగ్రవర్ణాల్లో ఆర్థికంగా వెనుకబడిన వారు రిజర్వేషన్లు లేకపోవడంతో సంక్షేమ పథకాల ఫలాలు పొందలేకపోతున్నారని ఆవేదన వ్యక్తం చేశారు. ఓటు బ్యాంక్ రాజకీయాలతో మున్సిపల్ వార్డు రిజర్వేషన్లలో ఓసీలకు తీవ్ర అన్యాయం జరిగిందని ఆరోపించారు.
