గోదావరి వరద పరిస్థితులపై కలెక్టర్రివ్యూ మీటింగ్
భద్రాచలం, వెలుగు: గోదావరికి వరద పెరుగుతున్నందున ఆఫీసర్లంతా అలర్ట్గా ఉండాలని భద్రాద్రికొత్తగూడెం కలెక్టర్ డి.అనుదీప్ పేర్కొన్నారు. రానున్న 48 గంటలు ఎంతో కీలకమని అధికారులు, సిబ్బంది ప్రతిఒక్కరూ ఫీల్డ్లోనే ఉండాలని ఆదేశించారు. భద్రాచలం వద్ద గోదావరి 55 ఫీట్లకు చేరుకునే అవకాశం ఉన్నందున బుధవారం సబ్కలెక్టర్ ఆఫీస్లో సెక్టోరియల్, జిల్లా ఆఫీసర్లతో కలెక్టర్రివ్యూ మీటింగ్ ఏర్పాటు చేశారు. కలెక్టర్మాట్లాడుతూ ముంపు ప్రాంతాల ప్రజలను పునరావాస కేంద్రాలకు తరలించేందుకు సిద్ధంగా ఉండాలన్నారు. పోలీసు, రెవెన్యూ, సీఆర్పీఎఫ్ ఆఫీసర్లు సమన్వయంతో రక్షణ చర్యలు చేపట్టాలన్నారు. ప్రాణనష్టం జరగకుండా చూడాలన్నారు. చర్ల, దుమ్ముగూడెం మండలాల్లో ఐదు గ్రామాలకు వరద ముంపు పొంచి ఉన్నందున స్పెషల్ఆఫీసర్లు పునరావాస కేంద్రాలను సిద్ధం చేసుకోవాలన్నారు. బోట్లు, గజ ఈతగాళ్లు లోకల్ పోలీసుల సహకారంతో ఏర్పాటు చేసుకోవాలన్నారు. పునరావాస కేంద్రాల్లో నిత్యావసర సరుకులు, తాగునీరు, జనరేటర్లు, మందులు ఉంచాలన్నారు. భద్రాచలం టౌన్లో బ్యాక్ వాటర్ చేరకుండా ఇరిగేషన్ ఇంజనీర్లు చర్యలు తీసుకోవాలన్నారు. దుమ్ముగూడెంకు ఎన్డీఆర్ఎఫ్ టీంలను పంపించామని, ప్రజలెవరూ బయటకు రాకుండా చూడాలని పోలీసులను ఆదేశించారు. ఎంపీవోలు, పంచాయతీ సెక్రటరీలు గ్రామాల్లో మైకుల ద్వారా ప్రచారం చేయాలన్నారు. పినపాక, అశ్వాపురం,బూర్గంపాడు మండలాల్లోని ముంపు ప్రజలను అలర్ట్చేయాలన్నారు. విస్తా కాంప్లెక్స్ వద్ద 15 మోటార్లతో డ్రైన్బ్యాక్ వాటర్ను ఎత్తిపోస్తున్నట్లు తెలిపారు. గర్భిణులను వెంటనే భద్రాచలం ఏరియా ఆసుపత్రికి తరలించాలని డీఎంహెచ్వోకు సూచించారు. కరెంట్సప్లైలో అంతరాయం లేకుండా ఆఫీసర్లు చూడాలన్నారు. అనంతరం ఎస్పీ డా.వినీత్తో కలిసి కలెక్టర్కరకట్టపై నుంచి వరద ఉధృతిని పరిశీలించారు.
వరదలను ఎదుర్కొనేందుకు సిద్ధం ఉన్నాం..
భద్రాచలం,వెలుగు: గోదావరి వరదలను ఎదుర్కొనేందుకు సిద్ధంగా ఉన్నామని జడ్పీ ఛైర్మన్ కోరం కనకయ్య అన్నారు. బుధవారం గోదావరి కరకట్ట, విస్తా కాంప్లెక్స్ ప్రాంతాలను ఆయన సందర్శించారు. కాళేశ్వరం, మేడిగడ్డ, శ్రీరాంసాగర్, సమ్మక్క బ్యారేజ్లకు వరద పోటెత్తుతుండటంతో గోదావరి పెరుగుతోందన్నారు. కరకట్ట వద్ద ఉన్న మోటార్లను పరిశీలించారు.
