రౌడీ హీరో విజయ్ దేవరకొండ(Vijay devarakonda), సౌత్ స్టార్ హీరోయిన్ సమంత(Samantha) జంటగా నటిస్తున్న లేటెస్ట్ మూవీ ఖుషీ(Khushi). క్లాసిక్ సినిమాలా దర్శకుడు శివ నిర్వాణ(Shiva nirvana) డైరెక్ట్ చేస్తోన్న ఈ మూవీ నుంచి లేటెస్ట్ గా ఐదవ సింగిల్ ప్రోమో రిలీజ్ చేశారు మేకర్స్. పబ్లో వచ్చే ఈ ఐదవ సింగిల్.. కాశ్మీర్లో ఫస్ట్ టైం తనని చూసిన..ముందెనుక చూడకుండా మనసిచ్చినా..బాబు మాట పక్కనెట్టి బయటికి వచ్చినా..లగ్గమెట్టీ కాపురాన్ని స్టార్ట్ చేసిన.. అంటూ రాహుల్ సిప్లిగంజ్ పాడిన ఈ పాట ఆకట్టుకుంటోంది.
ఈ ప్రోమో చివర్లో ఓసి పెళ్లామా అంటూ వచ్చే లైన్తో.. వాహబ్ ఎలక్ట్రిఫైయింగ్ ట్యూన్తో అంచనాలు పెంచేశారు మేకర్స్. పూర్తి సాంగ్ను ఆగస్టు 26న రిలీజ్ చేస్తున్నారు. ఈ సాంగ్తో పెళ్లి చేసుకున్న ప్రతి ఒక్కరు.. ముఖ్యంగా భర్తలు డ్యాన్స్ ఫ్లోర్ చేస్తారని..అందుకు మగజాతి అంతా సిద్ధంగా ఉండాలని టీమ్ ప్రకటించారు.హేషమ్ అబ్దుల్ వాహబ్ మ్యూజిక్ కంపోజ్ చేయగా..డైరెక్టర్ శివ నిర్వాణ లిరిక్స్ అందించారు. ఇప్పటికే ఈ మూవీ నుంచి రిలీజైన సాంగ్స్,టీజర్, ట్రైలర్ ఫ్యాన్స్ను ఎంతో ఆకట్టుకున్నాయి. దీంతో ఖుషి మూవీపై భారీ అంచానాలు ఉన్నాయి.
నిన్ను కోరి, మజిలి, టక్ జగదీష్ సినిమాలు తీసిన సక్సెస్ ఫుల్ డైరెక్టర్ శివ నిర్వాణ ఈ సినిమాను డైరెక్ట్ చేస్తున్నారు. ప్రతిష్టాత్మక నిర్మాణ సంస్థ మైత్రీ మూవీ మేకర్స్ ఈ చిత్రాన్ని నిర్మిస్తోంది. ఖుషి సినిమా థియేటర్లలో 2023 సెప్టెంబర్ 1వ తేదీన విడుదల కానుంది. తెలుగుతో పాటు తమిళం, మలయాళం, కన్నడ భాషల్లో ఈ సినిమాను ప్రపంచవ్యాప్తంగా విడుదల చేయబోతున్నట్లు చిత్ర బృందం ప్రకటించింది.
