స్టేషన్ఘన్పూర్, వెలుగు : పంచాయతీ కార్మికులను పర్మినెంట్ చేయాలని డిమాండ్ చేస్తూ జనగామ జిల్లా స్టేషన్ఘన్పూర్లో పంచాయతీ కార్మికుల జేఏసీ ఆధ్వర్యంలో ఆదివారం రోడ్డుపై భోజనాలు చేసి నిరసన వ్యక్తం చేశారు. కార్మికుల జేఏసీ చైర్మన్ రాపర్తి రాజు మాట్లాడారు. సమస్యలపై ప్రభుత్వం తక్షణమే స్పందించి, పరిష్కరించాలని డిమాండ్ చేశారు. నాయకులు భాస్కర్, రావుల జగన్నాథం, కందాలోజు రాజు, కొడెపాక శ్రీనివాస్, కుంభం రాజు, వినయ్, బోసు రాజు, లక్ష్మి, యాదమ్మ, శోభ, స్వరూప పాల్గొన్నారు.
ALSO READ :రేవంత్రెడ్డికి వ్యతిరేకంగా శవయాత్ర
మహాముత్తారం, మల్హర్ : జయశంకర్ భూపాలపల్లి జిల్లా మహాముత్తారం, తాడిచెర్ల మండల కేంద్రంల్లో జీపీ కార్మికులు 11వ రోజు సమ్మెలో భాగంగా భిక్షాటన చేశారు.
మొగుళ్లపల్లి : జయశంకర్ భూపాలపల్లి జిల్లా మొగుళ్లపల్లి ఎంపీడీవో ఆఫీస్ ఎదుట జీపీ కార్మికులు చేస్తున్న రిలే నిరాహార దీక్ష ఆదివారం నాటికి 11 వ రోజుకు చేరుకుంది. సమస్యలు పరిష్కరించి, జీతాలు పెంచి న్యాయమైన డిమాండ్లు నెరవేర్చాలని మొగుళ్ళపల్లి చౌరస్తా వరకు ర్యాలీగా వెళ్తూ వ్యాపారస్తులు, ప్రజల వద్దకు వెళ్లి భిక్షాటన చేశారు. ఈ కార్యక్రమంలో వర్కర్లు సత్యం,రమేశ్, రాధమ్మ,లింగయ్య, సరిత పాల్గొన్నారు.
