ప్రపంచంలో కరోనా కేసులు మరోసారి విపరీతంగా పెరుగుతున్నాయి. దాంతో ప్రతి ఒక్కరూ మాస్క్ ధరించాలని ఆయా దేశాలు నిబంధన విధించాయి. బస్సులు, విమానాల్లో ప్రయాణించే వారు కూడా మాస్కులు కచ్చితంగా పెట్టుకోవాల్సిందేనని రూల్ తీసుకొచ్చారు. అయితే తాజాగా ఓ విమానంలో ప్రయాణిస్తున్న వ్యక్తి మాస్క్ పెట్టుకోవడానికి నిరాకరించాడు. దాంతో ఏకంగా విమానాన్నే వెనక్కి మళ్లించారు. ఈ ఘటన అమెరికన్ ఎయిర్లైన్స్కు చెందిన జెట్‌లైనర్ విమానంలో గురువారం చోటుచేసుకుంది. 129 మంది ప్రయాణికులతో మియామి నుంచి లండన్‌కు బయలుదేరిన ఫ్లైట్ 38లో ఓ ప్రయాణికుడు మాస్క్ ధరించలేదు. దాంతో ఎయిర్ హోస్టెస్ సదరు వ్యక్తిని మాస్క్ వేసుకోవాలని సూచించారు. కానీ ఆ వ్యక్తి మాత్రం మాస్క్ ధరించడానికి అంగీకరించలేదు. దాంతో చేసేదేమీ లేక విమాన క్రూ.. విమానాన్ని తిరిగి మియామికి మళ్లించారు. క్రూ సమాచారంతో ఎయిర్పోర్ట్లో సిద్దంగా ఉన్న పోలీసులు.. విమానం ల్యాండ్ అవగానే ఆ వ్యక్తిని అదుపులోకి తీసుకున్నారు. తదుపరి విచారణ పెండింగ్‌లో ఉందని అమెరికన్ ఎయిర్‌లైన్స్ తెలిపింది. అంతేకాకుండా.. మాస్క్ పెట్టుకోని ఈ ప్రయాణికుడిని ఎయిర్లైన్స్లో ప్రయాణించకుండా నిరోధించబడిన వ్యక్తుల జాబితాలో ఉంచుతామని వెల్లడించింది.
For More News..
‘నల్లమల’ నుంచి మరో సాంగ్ రిలీజ్
