న్యూఢిల్లీ, వెలుగు: తెలంగాణలో బీజేపీ -జనసేన పొత్తు, సీట్ల సర్దుబాటుపై కేంద్ర హోం మంత్రి అమిత్ షాతో జనసేన అధినేత పవన్ కల్యాణ్ భేటీ అయ్యారు. బుధవారం ఢిల్లీలోని కృష్ణ మీనన్ మార్గ్‌‌‌‌‌‌‌‌లో అమిత్ షా నివాసంలో వీరు సమావేశమయ్యారు. దాదాపు 45 నిమిషాల పాటు సాగిన ఈ భేటీలో ఇరు పార్టీల మధ్య సీట్ల పంపకాలపై చర్చ జరిగినట్లు తెలిసింది.
ఇప్పటికే స్టేట్ లెవల్‌‌‌‌‌‌‌‌లో కిషన్ రెడ్డి, లక్ష్మణ్.. పవన్ కల్యాణ్‌‌‌‌‌‌‌‌ను కలిసి తెలంగాణలో బీజేపీకి మద్దతు ఇవ్వాలని కోరారు. ఉమ్మడి వరంగల్, ఖమ్మం, నల్గొండ, గ్రేటర్ హైదరాబాద్‌‌లోని శేరిలింగంపల్లి, కూకట్పల్లితో పాటు 32 సీట్లు తమకు కేటాయించాలని జనసేన పట్టుబడుతున్నట్లు తెలిసింది. కానీ, బీజేపీ కేవలం 6 నుంచి 10 స్థానాలు మాత్రమే జనసేనకు కేటాయించే అవకాశమున్నట్లు సమాచారం. పొత్తులపై త్వరలో క్లారిటీ వచ్చే అవకాశం ఉందని బీజేపీ నేతలు చెబుతున్నారు. ఈ సమావేశానికి కిషన్ రెడ్డి, నాదెండ్ల మనోహర్ హాజరయ్యారు.
