- సీఎంపై అనుచిత వ్యాఖ్యలు కరెక్ట్ కాదు: గజ్జెల కాంతం
హైదరాబాద్, వెలుగు: సీఎం రేవంత్ రెడ్డిని ఉద్దేశించి మరోసారి ఇష్టమున్నట్లు మాట్లాడితే కేటీఆర్ ఇంటిని ముట్టడిస్తామని పీసీసీ ప్రధాన కార్యదర్శి గజ్జెల కాంతం హెచ్చరించారు. శుక్రవారం గాంధీ భవన్లో ఆయన మాట్లాడుతూ.. కాళేశ్వరంలో అవినీతి జరిగిందనే కేసీఆర్ను విచారణకు పిలిచారని తెలిపారు. అవినీతికి పాల్పడితే సీఎంనైనా, ప్రధానినైనా విచారిస్తారని చెప్పారు.
దీనికి కేటీఆర్.. సీఎం రేవంత్పై అనుచిత వ్యాఖ్యలు చేయడం కరెక్ట్ కాదన్నారు. కల్వకుంట్ల కుటుంబంపై రేవంత్ కక్ష సాధించాలనుకుంటే కేసీఆర్, కేటీఆర్, కవిత, హరీశ్ ఇప్పటికే చర్లపల్లి జైలులో ఉండేవారని తెలిపారు. తాగుబోతోళ్లు, రాష్ట్రాన్ని దోచుకున్నోళ్లు జాతిపిత ఎలా అవుతారని ప్రశ్నించారు. జాతిపితకు ఉండాల్సిన లక్షణాల్లో కేసీఆర్కు ఒక్కటైనా ఉందా అని ఫైర్ అయ్యారు.
