వైరల్గా మారిన రష్యా వీడియో
మాస్కో: సూపర్ మార్కెట్లలో షుగర్ కోసం రష్యన్లు కొట్టుకున్న వీడియోలు సోషల్ మీడియాలో వైరల్గా మారాయి. ఉక్రెయిన్తో వార్ కారణంగా రష్యాలోని చాలా స్టోర్లు ఒక్కో కస్టమర్కు 10 కేజీల షుగర్ లిమిట్ పెట్టాయి. దేశంలో ద్రవ్యోల్బణం పెరిగిపోయి షుగర్ రేట్లు కూడా ఆకాశాన్నంటాయి. దీంతో కొన్ని స్టోర్లలో షుగర్ బ్యాగులను కార్ట్ల్లో వేసుకుని తీసుకెళ్లేందుకు కొందరు.. వారి నుంచి బ్యాగులను లాక్కునేందుకు మిగతా వారు ప్రయత్నించారు. ఈ క్రమంలో చాలా చోట్ల గొడవలు జరుగుతున్నాయి. వీటికి సంబంధించిన వీడియోలు ఇప్పుడు సోషల్ మీడియాలో వైరల్అయ్యాయి. రష్యా, ఉక్రెయిన్ వార్ కారణంగా రష్యన్లు ఎదుర్కొంటున్న ఇబ్బందులను ఇవి కళ్లకు కడుతున్నాయి. రష్యన్ అధికారులు మాత్రం షుగర్కు ఎలాంటి కొరతా లేదని, కస్టమర్ల భయాందోళన కారణంగానే ఈ సంక్షోభ పరిస్థితులు తలెత్తుతున్నాయని చెబుతున్నారు.
