- మూడు పార్టీల్లో అదే ధీమా
- నాగర్ కర్నూల్లో 70.89% పోలింగ్
- గద్వాల అసెంబ్లీ సెగ్మెంట్లో అత్యధికంగా 76.67
- కొల్లాపూర్లో అత్యల్పంగా 66.32 శాతం
నాగర్ కర్నూల్, వెలుగు: నాగర్కర్నూల్పార్లమెంట్స్థానానికి సోమవారం జరిగిన ఎన్నికల్లో ఏడు అసెంబ్లీ నియోజకవర్గాల పరిధిలో 70.89 శాతం పోలింగ్ నమోదైంది. 2019 మేలో జరిగిన పార్లమెంట్ఎన్నికల (62.33శాతం)తో పోలిస్తే ఈసారి 8 శాతం పోలింగ్ పెరిగింది. గద్వాల అసెంబ్లీ సెగ్మెంట్లో అత్యధికంగా 76.67, ఆ తర్వాత అలంపూర్లో గరిష్ఠంగా 75.84 శాతం ఓట్లు పోలయ్యాయి. మైలారం మైనింగ్ఇష్యూతో గ్రామస్తులు ఎన్నికలు బహిష్కరిస్తే అధికారులు పట్టుబట్టి ఆరుగురితో ఓట్లేయించి ఎన్నికలు జరిగాయనిపించారు.
జోష్ పెంచిన పోలింగ్ శాతం...
ఓటింగ్శాతం పెరగడంతో మూడు ప్రధాన పార్టీల నాయకుల్లో గెలుపు ధీమా పెరిగింది. రాష్ట్రంలో కాంగ్రెస్ అధికారంలో ఉండడం, ఆరు గ్యారంటీలు, రుణమాఫీ తదితర అంశాలు ఓటర్లపై కచ్చితంగా ప్రభావం చూపిస్తాయన్న భరోసాతో అధికార పార్టీ నేతలు ఉన్నారు. మంత్రి, ఐదుగురు కాంగ్రెస్ ఎమ్మెల్యేలు, కార్పొరేషన్ చైర్మన్లు, గ్రామస్థాయిలో పోలింగ్ బూత్వరకు బలంగా ఉన్న నెట్వర్క్తో పోల్మేనేజ్మెంట్ లో సక్సెస్ అయ్యామని లెక్కలేసుకుంటున్నారు. ప్రచారంలో స్టార్టింగ్ట్రబుల్ఎదురైనా నామినేషన్ల విత్డ్రా తర్వాత కల్వకుర్తి, నాగర్ కర్నూల్, గద్వాల, అలంపూర్ నియోజకవర్గాల్లో ప్రచారంలో పుంజుకున్నామని చెబుతున్నారు. కాంగ్రెస్ ప్రచారంలో అచ్చంపేట, కొల్లాపూర్నియోజకవర్గాలు టాప్లో ఉండగా ఆ తర్వాత స్థానంలో వనపర్తి ఉంది.
బీఆర్ఎస్ అభ్యర్థి మాజీ ఐపీఎస్ ఆర్ఎస్ ప్రవీణ్కుమార్కు పార్టీ మాజీలు, క్యాడర్నుంచి ఆశించిన స్థాయిలో సపోర్ట్ దొరకలేదన్న టాక్ ఉంది. బీఆర్ఎస్ ఎమ్మెల్యేలు ఉన్న గద్వాల, అలంపూర్నియోజకవర్గాల్లో కూడా స్థానిక నేతల పనితీరు, ఓటర్లపై పెద్దగా ప్రభావం చూపించలేదన్న కామెంట్స్ వినిపించాయి. ప్రభుత్వ వ్యతిరేక ఓటు తమకే పడుతుందన్న ధీమాతో ఉన్న కారు నేతలకు పోలింగ్ ట్రెండ్స్నిరాశ కలిగించాయని సమాచారం. బీఆర్ఎస్నేతలు ఊహించని స్థాయిలో ఓట్ల బదిలీ జరిగిందన్న ప్రచారం జరిగింది.
లీడర్లు, క్యాడర్లేని బీజేపీ నుంచి అభ్యర్థిగా పోటీలోకి దిగిన భరత్ప్రసాద్పోలింగ్తేదీ నాటికి అనూహ్యంగా పుంజుకున్నారనే వార్తలు వచ్చాయి. అభ్యర్థి ఎవరన్నది చూడకుండా మోదీ పేరుతో అర్బన్ ఓటర్లు బీజేపీకి మద్దతుగా నిలిచారని ఫ్లాష్ సర్వేల్లో బయటపడింది. గ్రామీణా ప్రాంతాల్లో పోలింగ్ దీనికి పూర్తి విరుద్ధంగా సాగింది. మైనార్టీలు, దళిత సామాజిక వర్గాల్లోని మెజార్టీ ప్రజలు కాంగ్రెస్ సైడ్ తీసుకున్నారని సమాచారం. గతంలో కాంగ్రెస్, బీఆర్ఎస్ పార్టీలకు బలమైన సాంప్రదాయ ఓటు బ్యాంక్ ఉండేది. ఈ ఎన్నికలలో బీజేపీ తనకంటూ ఓటు బ్యాంక్ తయారు చేసుకోగలిగిందని సమాచారం.
మరోవైపు నామినేషన్ల నుంచి పోలింగ్వరకు జరిగిన రోడ్డు షోలు, కార్నర్ మీటింగ్స్కు హాజరైన జనాలు, పంచిన నజరానాలలో భూమికి ఆకాశానికి తేడా ఉందన్న అంశం మూడు పార్టీల అభ్యర్థులకు అర్థమైంది. పోలింగ్కు ముందు ఇచ్చిన మద్యంకూడా పూర్తిస్థాయిలో కాకపోయిన కనీసం సగమైనా చేరితే బాగుండేదని ఓ క్యాండిడేట్కామెంట్ చేయడం గమనార్హం.
