వీరసింహారెడ్డి, వాల్తేరు వీరయ్య చిత్రాలకు తెలంగాణ ప్రభుత్వం గుడ్ న్యూస్ చెప్పింది. ఈ రెండు సినిమాలకు ఆరో ఆటకు అనుమతి ఇచ్చింది. సినిమాల రిలీజ్ రోజున ఉదయం 4 గంటల నుంచి షో వేసుకోవచ్చునని పేర్కొంది.ఈ మేరకు ప్రభుత్వం ఉత్తర్వులు జారీ చేసింది. నిర్మాణ సంస్థ మైత్రీ మూవీ మేకర్స్ అభ్యర్థనపై స్పందించిన సర్కార్ ఈ నిర్ణయం తీసుకుంది.
మెగాస్టార్ చిరంజీవి నటించిన వాల్తేరు వీరయ్య, నటసింహం బాలకృష్ణ వీరసింహారెడ్డి చిత్రాలు ఒక్క రోజు గ్యాప్తో ప్రేక్షకులను అలరించేందుకు సిద్దమయ్యాయి. ఇప్పటికే రిలీజైన చిత్ర ట్రైలర్స్ ప్రేక్షకుల్లో అంచనాలను పెంచేశాయి. గోపీచంద్ మలినేని దర్శకత్వంలో వీరసింహారెడ్డి తెరకెక్కగా, వాల్తేరు వీరయ్య చిత్రానికి బాబీ డైరక్షన్ చేశారు. ఈ రెండు చిత్రాలలో శృతిహాసన్ హీరోయిన్ గా నటించింది.
