సమాచార హక్కు చట్టంపై రాష్ట్ర సిఎస్ ఇచ్చిన ఆదేశాల రద్దు కోరుతూ హైకోర్టులో పిల్ దాఖలైంది. సమాచార హక్కు చట్టాన్ని ప్రభుత్వం నిర్వీర్యం చేస్తుందని పిటిషన్ దాఖలు చేశారు న్యాయవాది రాపోలు భాస్కర్. సమాచార హక్కు చట్టం కింద ఏ శాఖకు సంబంధించిన సమాచారమైనా తెలుసుకునే వీలు లేకుండా ప్రభుత్వం అడ్డుకుంటోందని పిల్ లో పేర్కొన్నారు. డిపార్ట్మెంట్ హెడ్ ల అనుమతి తీసుకున్నాకే సమాచారం ఇవ్వాలని రాష్ట్ర సిఎస్ జీవో ఇవ్వడం కరెక్ట్ కాదన్నారు పిటిషనర్.
సమాచార హక్కు చట్టం కింద ఎలాంటి సమాచారం ఇవ్వాలన్నా డిపార్ట్మెంట్ హెడ్ ల అనుమతి తీసుకోవాలని ఈ నెల 13న సీఎస్ జీవో జారీ చేశారు. కొందరు ఫైల్లు సరిగా పరిశీలించకుండానే వివరాలు ఇస్తున్నారని..అందుకే ఆదేశాలిచ్చామన్నారు సీఎస్.
