హీరో విజయ్ దేవరకొండ పేరుతో సోషల్ మీడియాలో ఎకౌంట్ నిర్వహిస్తూ అమ్మాయిలను ట్రాప్ చేస్తున్న వ్యక్తిని అరెస్ట్ చేశారు సైబర్ క్రైం పోలీసులు. కామారెడ్డి జిల్లా మిర్జాపూర్ కు చెందిన సాయికిరణ్ అనే యువకుడు విజయ్ దేవరకొండను కలవాలంటే ఈ నెంబర్ కు కాంటాక్ట్ కావాలంటూ సోషల్ మీడియాలో పోస్టులు పెట్టాడు. దీంతో కాంటాక్ట్ లోకి వచ్చిన అమ్మాయిలతో చాట్ చేశాడు. ఈ విషయాన్ని గమనించిన విజయ్ వ్యక్తిగత మేనేజర్ పోలీసులకు ఫిర్యాదు చేశాడు. దీంతో కేసు నమోదు చేసుకున్న పోలీసులు. సదరు నెంబర్ ఆధారంగా నిందితున్ని పట్టుకున్నారు. అతన్ని విచారించిన అనంతరం 41A సీఆర్పీసి కింద నోటీసులు జారీ చేసినట్లు ఏసీపీ ప్రసాద్ తెలిపారు.
