President Murmu: జపాన్లోని ఐచి వేదికగా జరుగుతున్న ఆసియా గేమ్స్ 2026 (Asian Games 2026) పురుషుల బ్యాడ్మింటన్ టీమ్ ఈవెంట్లో భారత జట్టు చారిత్రాత్మక కాంస్య పతకాన్ని (Bronze Medal) సాధించింది. బుధవారం జరిగిన ఉత్కంఠభరిత సెమీఫైనల్లో చైనా చేతిలో 3–1 తేడాతో ఓటమి పాలైనప్పటికీ, ఇండియా మెడల్ను తన ఖాతాలో వేసుకుంది.
రాష్ట్రపతి ద్రౌపదీ ముర్ము ప్రశంసలు:
భారత బ్యాడ్మింటన్ జట్టు సాధించిన ఈ ఘనతపై భారత రాష్ట్రపతి ద్రౌపదీ ముర్ము సోషల్ మీడియా వేదికగా X (ట్విట్టర్)లో అభినందనలు తెలిపారు. ఆసియా గేమ్స్ 2026లో కాంస్య పతకం సాధించిన భారత మెన్స్ బ్యాడ్మింటన్ జట్టుకు శుభాకాంక్షలు తెలిపింది. ఈ అద్భుత ఘనత జట్టు యొక్క పట్టుదల, ఆత్మవిశ్వాసం, పోరాట పటిమకు నిదర్శనం.. ప్రతీ ఒక్క ఆటగాడు ఈ విజయానికి విశేష కృషి చేశారు. భవిష్యత్తులో వీరు మరిన్ని విజయాలు సాధించాలని కోరుకుంటున్నాను అని ద్రౌపదీ ముర్ము కొనియాడారు.
సాత్విక్-చిరాగ్ ఒక్కడే గెలుపు: చైనాతో ఉత్కంఠ పోరు
* లక్ష్య సేన్ ఓటమి: తొలి సింగిల్స్ మ్యాచ్లో భారత స్టార్ షట్లర్ లక్ష్య సేన్ 21–16, 21–18 తేడాతో చైనా దిగ్గజం షీ యుకీ చేతిలో ఓడిపోవడంతో చైనా 1–0 ఆధిక్యంలోకి వెళ్లింది.
* సాత్విక్-చిరాగ్ సంచలన విక్టరీ: రెండో డబుల్స్ మ్యాచ్లో భారత స్టార్ జోడి సాత్విక్సాయిరాజ్ రంకిరెడ్డి - చిరాగ్ శెట్టి చెలరేగి ఆడారు. ప్రపంచ నంబర్ 3 చైనా జోడీ లియాంగ్ వీకెంగ్ - వాంగ్ చాంగ్లను 21–11, 22–20 తేడాతో చిత్తు చేసి టైని 1–1తో సమం చేశారు.
* ఆయుష్ శెట్టి ఓటమి: మూడో మ్యాచ్లో యంగ్ సెన్సేషన్ ఆయుష్ శెట్టి 21–19, 21–13తో లి షీ ఫెంగ్ చేతిలో ఓడిపోవడంతో చైనా మళ్లీ 2–1 ఆధిక్యంలోకి దూసుకెళ్లింది.
* నాలుగో మ్యాచ్లో నిరాశ: చివరిగా నాలుగో డబుల్స్ మ్యాచ్లో హరిహరన్ అమ్సకరుణన్ - ఎంఆర్ అర్జున్ జోడీ 21–16, 17–21, 21–9 తేడాతో హి జీ టింగ్ - ల్యూ యీ చేతిలో ఓటమితో భారత్ 3–1తో నిష్క్రమించింది.
వరుసగా రెండోసారి పతక పీఠం:
క్వార్టర్ ఫైనల్లో ఆతిథ్య జపాన్ను 3–0 తేడాతో చిత్తు చేసిన భారత్, ముందుగానే పతకాన్ని ఖాయం చేసుకుంది. గత 2023 హాంగ్జౌ ఆసియా గేమ్స్లో రజత పతకం (Silver Medal) సాధించిన ఇండియన్ మెన్స్ బ్యాడ్మింటన్ జట్టు, ఈసారి కూడా కాంస్యంతో మెరిసి వరుసగా రెండోసారి ఆసియా గేమ్స్ పోడియంపై నిలిచింది.
Warm congratulations to the Indian Men’s Badminton Team on winning Bronze Medal at the Asian Games 2026. This commendable achievement reflects the team’s determination, resilience and fighting spirit. Each member made a valuable contribution to this proud success. My best wishes…
— President of India (@rashtrapatibhvn) September 24, 2026
