లోకల్ ట్రాన్స్ మిషన్ను అడ్డుకోవాలె
ఎండల్లోనూ కరోనా వైరస్ వ్యాపిస్తోంది
నిత్యావసరాల కొరత ఏర్పడొద్దు
సీఎంలతో వీడియో కాన్ఫరెన్స్ లో ప్రధాని మోడీ
న్యూఢిల్లీ: కరోనా వైరస్ విషయంలో అప్రమత్తంగా ఉంటూ లోకల్ ట్రాన్స్మిషన్ను అడ్డుకోవాలని ప్రధాని నరేంద్ర మోడీ అన్ని రాష్ట్రాల సీఎంలకు పిలుపునిచ్చారు. ఎండలు ఎక్కువగా ఉన్నప్పటికీ జాగ్రత్త అవసరమని చెప్పారు. కరోనా వైరస్ను ఎదుర్కొనేందుకు తీసుకుంటున్న చర్యలపై ప్రధాని మోడీ రాష్ట్రాల ముఖ్యమంత్రులతో శుక్రవారం వీడియోకాన్ఫరెన్స్ నిర్వహించారు. సాయంత్రం నాలుగు గంటలకు సమావేశం ప్రారంభమైంది. ఇందులో కేంద్ర ప్రభుత్వం తీసుకుంటున్న చర్యలను వివరించి, రాష్ట్రాలు అనుసరిస్తున్న విధానాలను మోడీ అడిగి తెలుసుకున్నరు. ఈ వీడియో కాన్ఫరెన్స్‌‌‌‌‌‌‌‌లో మోడీతో పాటు కేంద్ర ఆరోగ్య మంత్రి హర్షవర్ధన్, ఇతర అధికారులు పాల్గొనగా.. తెలంగాణ సీఎం కేసీఆర్, మంత్రి ఈటల, ఆంధ్రప్రదేశ్ సీఎం జగన్, బెంగాల్ సీఎం మ‌‌‌‌‌‌‌‌మ‌‌‌‌‌‌‌‌తా బెన‌‌‌‌‌‌‌‌ర్జీ, పంజాబ్ సీఎం కెప్టెన్ అమ‌‌‌‌‌‌‌‌రీంద‌‌‌‌‌‌‌‌ర్‌, త‌‌‌‌‌‌‌‌మిళ‌‌‌‌‌‌‌‌నాడు సీఎం ప‌‌‌‌‌‌‌‌ళ‌‌‌‌‌‌‌‌నిస్వామి, కేర‌‌‌‌‌‌‌‌ళ సీఎం విజ‌‌‌‌‌‌‌‌య‌‌‌‌‌‌‌‌న్‌, మ‌‌‌‌‌‌‌‌హారాష్ట్ర సీఎం ఉద్ధవ్ ఠాక్రేతో పాటు కేంద్ర పాలిత ప్రాంత గ‌‌‌‌‌‌‌‌వ‌‌‌‌‌‌‌‌ర్నర్లు పాల్గొన్నారు.
నిత్యావసరాలు అందుబాటులో ఉంచండి
నిత్యావసర వస్తువులను ప్రజలకు అందుబాటులో ఉంచాలని సీఎంలకు ప్రధాని మోడీ సూచించారు. ఫిబ్రవరి తర్వాత విదేశాల నుంచి వచ్చిన వారికి వైద్య పరీక్షలు జరిపించాలన్నారు. ఎవరికైనా కరోనా లక్షణాలు ఉంటే వెంటనే క్వారంటైన్‌‌‌‌‌‌‌‌కు తరలించాలన్నారు. గల్ఫ్ దేశాల్లోని ఎండల కారణంగా వైరస్ ఎక్కువగా వ్యాపించదని భావించామన్నారు. ఈ నమ్మకం తప్పని అక్కడ పెద్ద సంఖ్యలో నమోదైన కేసులు చెబుతున్నాయని మోడీ తెలిపారు. ఎండలతో సంబంధం లేకుండా కరోనా వైరస్వ్యాపిస్తుందని, దీనిని అడ్డుకునేందుకు జాగ్రత్తగా ఉండాలని చెప్పారు.
