- ట్రిపుల్ ఐటీ వీసీ ప్రొఫెసర్ గోవర్ధన్
బాసర, వెలుగు: వర్సిటీలో విధులు నిర్వహించే ప్రతి లెక్చరర్ ఓ అంబాసిడర్గా పనిచేయాల్సిన అవసరం ఉందని బాసర ట్రిపుల్ ఐటీ ఇన్చార్జ్ వీసీ ప్రొఫెసర్ గోవర్ధన్ అన్నారు. శనివారం వర్సిటీలో అడ్మినిస్ట్రేటివ్ సెక్షన్ అధికారులు,13 విభాగాల అధిపతులు, సిబ్బందితో ప్రత్యేక సమావేశం నిర్వహించారు. ఈ సందర్భంగా ఆయన మాట్లాడుతూ.. అన్ని విభాగాల అధికారులు సమన్వయంతో పనిచేయాలని, విద్యార్థులకు ఉత్తమ బోధన అందించడమే లక్ష్యంగా పెట్టుకోవాలన్నారు.
సెల్ఫ్ సోషల్ రెస్పాన్సిబిలిటీ నినాదాన్ని విద్యార్థుల్లోకి తీసుకెళ్లాల్సిన బాధ్యత అధ్యాపకులపై ఉందన్నారు. అకడమిక్, ఎగ్జామినేషన్ సెక్షన్, వాటర్, ఎలక్ట్రిసిటీ, ప్రొక్యూర్మెంట్, నెట్వర్కింగ్ అండ్ సాఫ్ట్వేర్ సెక్షన్ల అధికారులు తమ నివేదికలు అందించాలని ఆదేశించారు. అనంతరం అధ్యాపకులు, నాన్ టీచింగ్ ఉద్యోగులతో వేర్వేరుగా సమావేశాలు నిర్వహించారు.
అసోసియేట్ డీన్స్, పలు విభాగాల అధిపతులు తదితరులు పాల్గొన్నారు. అంతకుముందు బాసరలోని సరస్వతి అమ్మవారిని దర్శించుకుని ప్రత్యేక పూజలు చేశారు.
